«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 7-сон мавзуси «Маҳалла футболи» бўлиб, дастур меҳмони сифатида спорт журналисти ва шарҳловчи Даврон Файзиев таклиф этилди.
Дастур меҳмони маҳалла футболига доир камчиликларга тўхталиб, стадионлар ва футбол майдончалари тақчиллиги нафақат болалар, маҳалла футболида, балки профессионал спортда ҳам кузатилади.
Майдонлар муаммоси нафақат ҳаваскор футболда, катта футболда ҳам бор. Ҳаттоки терма жамоаларимиз даражасида ҳам. Масалан, «Бунёдкор» стадиони яна таъмирланяпти, унинг чими ҳеч ҳам мунтазам равишда яхши ҳолатда сақланмаяпти. Бунга стадиондаги ҳаво циркуляцияси билан боғлиқ муаммо сабаб бўляпти.Унинг таъкидлашича, «Пахтакор», «Бунёдкор», «Локоматив», ЖАР стадионларида чимни профессионал турнирларга сақлаб туриш керак, шу учун мунтазам равишда йиғинлар ўтказиш чимга зарар етказади.Ҳозир турли ёш тоифалари, аёллар футболини ҳисоблаганда, жами 19 та терма жамоамиз бор. Уларнинг барчаси деярли бир хил вақтда йиғинга келишади. Ўша пайт Тошкент шаҳрида майдон етишмайди. Яхши ҳамки, «Бунёдкор» академиясининг бир нечта майдони бор, кўпинча ўша ерга боришади. Бундан ташқари, ФИФА билан ҳамкорликда Чиғатой базасидада замонавий сунъий қопламали стадион қуриб берилган, — дейди Даврон Файзиев.
Ҳозир Ўзбекистон футбол ассоциацияси ФИФА, ОФК билан ҳамкорликда Тошкент вилоятида терма жамоалар учун база ташкил этяпти. Ўша база қуриб битказилгач, меҳмонхона, машғулот майдонлари, стадионлар бўлади ва бу муаммо нисбатан ечилади, — дея қайд этди дастур меҳмони.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)