Ukrainadagi urush oqibatida rossiyaliklar boshqa davlatlarga ko‘cha boshlagan. Buning O‘zbekiston va mamlakatlar iqtisodiyotiga ta’siri qanday bo‘lgani tahlil qilindi. Bu haqda Forbes xabar bermoqda.
Rossiyaliklarning ko‘chishidan eng ko‘p foyda ko‘rgan mamlakat Armaniston bo‘ldi. Faqat iyul—sentabr oylarida Armanistonga 267,3 ming martadan ko‘proq rossiyaliklar kirib kelgan.
Investitsion kompaniya tahlilchilari yil boshida Armaniston iqtisodiyoti 5 foizga o‘sishini taxmin qilgan bo‘lsa-da, joriy yilda mamlakat yalpi ichki mahsuloti 14 foizgacha o‘sishini prognoz qilmoqda.
O‘zbekiston va Qozog‘iston ruslarning ommaviy ko‘chirilishidan bunday kuchli ijobiy ta’sir ko‘rsata olmadi — ularning iqtisodi mos ravishda Armanistonnikidan 5 va 10 baravar katta, — deyiladi xabarda.
Prognozlarga ko‘ra, Qozog‘istonning iqtisodiy o‘sish sur’ati 2021-yildagi 4,1 foizdan 2022-yilda 3 foizgacha sekinlashadi. Bu asosan neft qazib olishning turg‘unligi va yuqori inflyatsiya tufayli yuzaga keladi.
Kelganlar orasida mehnat bozoriga bosim o‘tkazmaydigan ko‘plab frilanserlar va tadbirkorlar bor. Bu odamlar Qozog‘iston iqtisodiyotiga uzoq muddatli ijobiy ta’sir ko‘rsatishi mumkin, — dedi ekspert.
Qisman safarbarlik boshlanganidan so‘ng, mamlakat Ichki ishlar vazirligi ma’lumotlariga ko‘ra, 27-sentabrgacha mamlakatga deyarli 100 ming rossiyalik kirgan.
Bu vaziyat O‘zbekistonga qanday ta’sir o‘tkazgan?
Jahon banki Xitoydagi pandemiya cheklovlari, yetkazib berish zanjirining uzilishi va stagflyatsiya xavfi tufayli O‘zbekiston yalpi ichki mahsuloti ham biroz o‘sishini kutmoqda.
Mamlakat iqtisodiyotining o‘sishi 2022-yilda 4,3 foizni tashkil etadi, bu 2021-yildagi 7,4 foizdan kam.
Markaziy bank boshqaruv raisi Mamarizo Nurmuratovga ko‘ra, 2022-yil boshidan buyon O‘zbekistonda 67 ming rossiyalikning hisob raqami ochilgan.
Bundan tashqari, ularning yarmiga yaqini mamlakatda ishlaydi va istiqomat qiladi, — deya qo‘shimcha qildi u.
Ichki ishlar vazirligining so‘nggi ma’lumotlariga ko‘ra, yil boshidan buyon O‘zbekistonga 320 mingga yaqin Rossiya fuqarolari kirib kelgan.
Eng katta oqim uchinchi chorakda kuzatilgan — iyuldan sentabrgacha chegarani 189 ming kishi kesib o‘tgan.
Rossiyaliklar bu yil qisman O‘zbekistonning sa’y-harakatlari tufayli mamlakatga ko‘chib o‘tmoqda: Ukrainada urush boshlanganidan bir necha kun o‘tib, mamlakat hukumati xorijiy IT-mutaxassislari uchun uch yillik viza joriy etdi.
Avvalroq 2023-yilda O‘zbekistonda iqtisodiy o‘sish sekinlashishi va inflyatsiya pasayishi prognoz qilingani haqida xabar berilgandi.
Izoh (0)