Yil boshidan beri O‘zbekistonda qancha avtomobil ishlab chiqarilgani ma’lum qilindi. Bu haqda Davlat statistika qo‘mitasi xabar qilmoqda.
Ma’lumotlarga ko‘ra, O‘zbekistonda 10 oyda jami 263 488 dona yengil avtomobil ishlab chiqarilgan.
Ushbu davrda eng ko‘p Cobalt avtomobili yig‘ilgan — 81 311 dona. O‘tgan oyda bu ko‘rsatkich 69 816 donaga teng bo‘lgan.
Gentra yil boshidan beri eng ko‘p ishlab chiqarilgan avtomobillar ro‘yxatida ikkinchi o‘rinda turibdi. Sentyabrga nisbatan bu ko‘rsatkich 8 247 taga oshgan — 72 321 dona.
Yanvardan beri O‘zbekistonda yig‘ilayotgan eng ko‘p avtomobillar reytingida Damas uchinchi o‘rinni egalladi — 59 164 dona. O‘tgan oyda bu 52 673 dona edi.
Avtomobillar ishlab chiqarish bo‘yicha keyingi o‘rinlarda Nexia T-250 (19 301 dona), Spark (12 445 dona), Tracker (2 120 dona), Volkswagen Caddy (423 dona) va maxsus yengil avtomobillar (16 403 dona) joylashgan.
Avvalroq O‘zbekistonga yangi “inomarka”larni endi hamma olib kelishi mumkinligi va bu nimaga ta’sir qilishi haqida xabar berilgandi.
Izoh (0)