Vengriya bosh vaziri Viktor Orban bu yil Yevropa Ittifoqining Rossiyaga qarshi sanksiyalari tufayli mamlakat 10 milliard yevro yo‘qotganini bildirdi. Bu haqda “TASS” xabar bermoqda.
Uning ta’kidlashicha, Bryusselning noto‘g‘ri sanksiyalar siyosati energetika narxlarining keskin oshishiga sabab bo‘lgan, bu esa Vengriya iqtisodiyotida yiliga 10 milliard yevro defitsit olib kelgan.
Hukumat mamlakat iqtisodiyoti 6 milliard yevrolik yo‘qotishning o‘rnini qoplashiga umid qilmoqda, biroq qolgan 4 milliard yevro qismi budjetga og‘ir yuk bo‘ladi.
Orbanning ta’kidlashicha, bu ijtimoiy maqsadlarga, ish haqini oshirishga, soliqlarni kamaytirishga va venger oilalariga nafaqa to‘lashga sarflanishi mumkin bo‘lgan mablag‘lar haqida ketmoqda.
Shuning uchun, Vengriya hukumatining sanksiyalarga e’tirozlari hech kimga ortiqcha bo‘lib ko‘rinmasligi kerak, — dedi Bosh vazir.
U qanday hisob-kitoblar natijasida mamlakat 10 milliard yevrolik yo‘qotishlarga uchraganini asoslab bermagan.
Biroq, avvalroq Orbanning o‘zi va uning vazirlar mahkamasi a’zolari, agar o‘tgan yili Vengriya energiya importiga 10 milliard yevro sarflagan bo‘lsa, bu yil bu xarajatlar 17 milliard yevrogacha, kelasi yili esa ikki baravar oshishi mumkinligini ta’kidlagan edi.
Avvalroq Vengriyaning OTP Bank’i “Ipoteka bank”ni sotib olish bo‘yicha jarayonni qayta boshlagani haqida xabar berilgandi.
Izoh (0)