O‘zbekiston 2022-yilning yanvar—oktabr oylarida xorijdan qiymati 55,4 mln dollarga teng bo‘lgan 1 749 dona elektromobil import qilgan. Bu haqda Davlat statistikasi xabar bermoqda.
Elektromobillar importi 2021-yilning mos davri bilan solishtirilganda 1 136 taga oshgan. 2022–yilning mos davriga nisbatan esa 20 barobarga.
Noyabr oyining o‘zida 120 dona elektromobil olib kelingan. Bu o‘tgan yilning mos davriga nisbatan 65 taga ko‘pdir.
Shuningdek, O‘zbekiston joriy yilning 10 oyida eng ko‘p elektromobil import qilgan davlatlar orasida Xitoy yetakchilik qilmoqda — 1 528 dona. O‘tgan yili bu ko‘rsatkich 551 ta edi.
Ikkinchi o‘rinda 111 dona elektromobil bilan BAA qayd etilgan bo‘lsa, Germaniya uchinchi bo‘lgan — 48 dona.
2021-yilning yanvar—oktabr oylarida O‘zbekistonga Turkiya 24 dona elektromobil olib kelingan va bu davlatlar kesimida Xitoydan keyin ikkinchi edi.
Biroq joriy yilda Turkiyadan elektromobil importi keskin kamaydi va mamlakat O‘zbekiston import qiladigan davlatlar orasida beshlikdan chiqib ketdi.
Izoh (0)