Россия расмийлари «дўст давлатлар» билан доллар орқали тузилган ташқи савдо шартномаларида нархларни ҳисоблашдан воз кечиб, ҳисоб-китоблар учун муқобил кўрсаткичлардан фойдаланишни режалаштирмоқда. Бу ҳақда «РБК» хабар бермоқда.
Манбаларга кўра, бозор олдида доллар орқали кросс-курсдан доимий равишда халос бўлишга имкон берадиган тизим яратиш бўйича глобал вазифа турибди.
Шунингдек, у ҳозирда бу ташаббус Марказий банк ва Россия Молия вазирлиги томонидан банклар билан биргаликда ишлаб чиқилаётганини қўшимча қилди.
Турли хил вариантлар, жумладан, валюталар савати варианти кўриб чиқилмоқда, деди федерал расмий.
Шунингдек, у нефть ва олтинга боғланиш «экзотик» эканлигини ва валюта савати Россия ташқи савдо айланмаси таркибига мос келиши кераклигини қўшимча қилди. Бироқ саватга киритилиши мумкин бўлган валюталар тўплами ҳали аниқ эмас.
Ҳозирда ташқи савдо айланмасининг салмоқли қисми долларда қолмоқда, бироқ валюта бозори алоҳида сегментларга бўлинди — бу ерда валюта сотувчилари ва харидорлари бир-бирлари билан учрашади. Бу эса муаммо. Айнан шу ерда валюта бозорини шакллантириш конструкциялари пайдо бўлади, биз ҳозирда улар устида ишламоқдамиз, — деди «РБК» суҳбатдоши.
Молия бозоридаги манбанинг қўшимча қилишича, миллий валюталарни олтин ёки нефтга ҳам боғлаш мумкин, бироқ нефть бозоридаги баҳолар ҳам долларга боғланганлиги сабабли, бу энг яхши вариант ҳисобланмайди.
Федерал амалдор эса нашрга долларга ягона муқобил фақат юань бўлиши мумкинлигини айтди.
Биринчидан, юань эркин конвертация қилинадиган валюта эмас. Иккинчидан, ундан фойдаланиш учун Хитойнинг розилиги керак», — дейилади хабарда.
Аввалроқ Россия ва Хитой энергия таъминоти учун миллий валюталарда тўлашга ўтаётгани ҳақида хабар берилганди.
Изоҳ (0)