Namangan shahrida ta’lim muassasasi ta’sischisining pulini qo‘lga kiritgan firibgar aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Namangan shahar bo‘limi tomonidan tergovga qadar tekshiruv o‘tkazilgan. Unda “Namangan shahargaz” gaz ta’minoti bo‘limi ishchisi B.X. “A.B.” nodavlat ta’lim muassasasi binosini tabiiy gaz tarmog‘iga ulash hujjatlarini hal qilib berish evaziga muassasa ta’sischisi M.A.ning 4,9 million so‘mini qo‘lga kiritganligi aniqlangan. Pullarning 200 dollari va 800 ming so‘mi qaytarilgani protsessual tartibda rasmiylashtirilgan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)