Наманган шаҳрида таълим муассасаси таъсисчисининг пулини қўлга киритган фирибгар аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Наманган шаҳар бўлими томонидан терговга қадар текширув ўтказилган. Унда «Наманган шаҳаргаз» газ таъминоти бўлими ишчиси Б.Х. «А.Б.» нодавлат таълим муассасаси биносини табиий газ тармоғига улаш ҳужжатларини ҳал қилиб бериш эвазига муассаса таъсисчиси М.А.нинг 4,9 миллион сўмини қўлга киритганлиги аниқланган. Пулларнинг 200 доллари ва 800 минг сўми қайтарилгани процессуал тартибда расмийлаштирилган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)