Ijtimoiy tarmoqlarda Farg‘ona viloyatida ayol kishi kiyimidagi shaxsni bir nechta fuqarolar samosud qilayotgani aks etgan videolavha tarqaldi. Viloyat Ichki ishlar boshqarmasi holatga munosabat bildirdi.
Ma’lum bo‘lishicha, 14-noyabr kuni soat 03:00 larda fuqaro U.Y. (erkak) ayollar kiyimini kiyib olgan holda yo‘lovchi avtomashinada Buvayda tumanidan qaytayotib, Bag‘dod tumanining “Bordon” mahallasi chorrahasida tushib qolgan. Katta yo‘l bo‘yida turgan vaqtida shu qishloqda yashovchi fuqarolar uning erkak kishi ekanini sezib qolib, videotasvirga olgan.
U.Y. bu yerdan qochib, shu atrofdagi fuqaro T.E.ga tegishli uyning tom qismiga chiqib yashiringan. Uy egasi noma’lum shaxsni o‘g‘rilikka tushganlikda gumon qilib ushlab, bu haqda viloyat IIBga murojaat qilgan.
Holat yuzasidan fuqaro U.Y.ga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) bilan, uni videotasvirga olib, internet tarmoqlarida tarqatib yuborgan fuqaro M.X.ga ushbu kodeksning 46-1-moddasi (shaxsiy hayot daxlsizligini buzish) bilan hujjatlar rasmiylashtirilgan.
Hozirda tergovga qadar tekshiruv harakatlari davom ettirilmoqda.
Izoh (1)
Bu bollar to'g'ri ish qilishgan O'zbekistonda bunday geylarga joy qoldirmaslik kerak nma uchun haqni davlat ko'rmayabdi bugun buji to'xtatmasak ertaga O'zbekistonda ham geylikni targ'ib qiladgon jamoat paydo bo'ladiku