AOKAda o‘tkazilgan brifingda Texnik jihatdan tartibga solish agentligi axborot xizmati rahbari Abdurauf Rasulov GSP+ doirasida xalqaro sifat menejment tizimlarini joriy etish bo‘yicha qilingan ishlar haqida ma’lumot berdi.
Qayd etilishicha, 241 ta eksportyor korxona tomonidan mahalliy mahsulotlar 31 ta Yevropa davlatiga eksport qilingan. Respublika miqyosida korxonalarga xalqaro standartlarni joriy etish bo‘yicha sarflanadigan xarajatlarni qoplab berish yuzasidan 128 ta korxonaning hujjatlari Eksportni rag‘batlantirish agentligiga kiritilgan.
Yevropa mamlakatlarida qo‘llaniladigan 1500 ta standart joriy etiladigan 300 ta korxona ro‘yxati shakllantirilib, manzilli ishlar yo‘lga qo‘yilgan.
2023-yilda eksport hajmlarini 2 barobargacha oshirish bo‘yicha aniq rejalar va amaliy takliflar ishlab chiqilgan. Unga ko‘ra, GSP+ doirasida mahsulot ishlab chiqarayotgan korxonalardagi 3 085 nafar mutaxassisni, shundan 400 nafar laboratoriya xodimlarini malakasini oshirishda Germaniya, Turkiya, Angliya, Latviya, Ispaniya, Rossiya, Belarusning xalqaro ekspertlarni jalb qilish, GSP+ doirasida xalqaro standartlar joriy qilingan korxonalar sonini 2 baravar oshirib, 1 200 tadan 2 400 taga yetkazish va 1 200 dan ortiq xalqaro standartlarni davlat tiliga tarjima qilish hamda davlat fondiga kiritish rejalashtirilgan.
Izoh (0)