Sinuvchan va zaif sochlarni davolashning 10 ta usuli

Hamma ayollar ham sochlarini qalin va jilokor bo‘lishini xohlaydi. Ammo hamisha sinuvchan hamda zaif sochlarga qarshi kurashadi. Natijaga erishishiga xalaqit beradigan zarar odatlar esa hech kimning xayoliga kelmaydi, deb yozadi “Lisa.ru”.

Soch nima uchun zaiflashadi? 

Yomon ob-havo, shamol chalkashtirib yuborgan tolalar, bosh kiyimi, har kuni ishqalanidigan yostiq — bu muntazam takrorlanadigan omillar. Doimiy ravishda takrorlanadigan mexanik va kimyoviy ta’sirlar sochlarning sinuvchan va zaiflashishiga olib keladi.

Zaiflik odatda quruq soch turlariga xosdir. Trixoklaziyaning paydo bo‘lishi (muammoning tibbiy nomi) bosh terisi ishlab chiqaradigan yog‘ sekretsiyasining yetarli emasligi tufayli yuzaga keladi. Tashqi tomondan, bu yumshoqlik, elastiklik va porlashning yetishmasligi sifatida namoyon bo‘ladi. Ko‘pincha zaiflik qazg‘oq yoki hatto soch to‘kilishi bilan birga kuzatiladi. Tolalar siyraklashib, uchlari gullay boshlaydi.

Bunga ko‘plab noxush omillar, jumladan, ba’zi kasalliklar, metabolik patologiyalar va organizmdagi surunkali jarayonlar sabab bo‘lishi mumkin. Yechim sifatida ko‘pincha bir qarashda bosh sohasi bilan hech qanday aloqasi bo‘lmagan omillarni bartaraf etishga to‘g‘ri keladi.

Organizmga odatiy hurmatsizlik, aniq narsalarni e’tiborsiz qoldirishga zaif sochlar ham qo‘shimcha bo‘la oladi. Qishda bosh kiyimsiz yurish esa soch tolalarining tuzilishiga osongina zarar yetkazishi mumkin, bu esa ularning siyraklashishiga olib keladi. Jazirama quyoshda uzoq vaqt qolish ham unchalik foydali emas. Fen va dazmollardan tez-tez, haddan tashqari ko‘p foydalanish sochning qurib qolishi, shuningdek, tuzilishga zarar yetkazishi mumkin. Sochni tez-tez yuvish esa terini himoya qiladigan barcha yog‘larni yo‘q qilib tashlaydi, bu esa quruq bosh terisiga va natijada sochlarning quruqligiga olib keladi. Bo‘yash uchun go‘zallik saloniga muntazam tashrif buyurish, bo‘yoqlar tarkibidagi kimyoviy moddalarning salbiy ta’siri tufayli ularning holatini yomonlashtirishning yana bir usuli hisoblanadi.

Zaif sochlarni davolashning 10 usuli

Mikroelementlar tanqisligi

To‘g‘ri ovqatlanish salomatlikni saqlashda muhim rol o‘ynaydi. A, B guruhlari vitaminlari, foliy kislotasi, kalsiy, kremniy yetishmasligi bilan soch tolasi to‘liq rivojlana olmaydi. Yetarlicha oziqlanmaslik sochlarni sekin o‘sishiga sabab bo‘ladi. Buning oldini olish uchun ratsionga biotin (tuxum va baliqda mavjud) va selen (kungaboqar urug‘iga boy) kabi komponentlar bilan to‘yingan mahsulotlarni kiritish tavsiya etiladi. Shuningdek, omega-3, oqsil, D vitamini ham yordam beradi.

Stress

Follikulalarni zarur oziq moddalar bilan ta’minlaydigan tomirlarning sog‘lig‘i bevosita asab tizimining holatiga bog‘liq. Stressni bartaraf etish uchun tabiat qo‘ynida ko‘proq sayr qilish va bezovta qiluvchi omillar bilan aloqani minimallashtirish lozim. Yoga va meditatsiya zaif sochlar uchun kutilmagan, ammo samarali vositadir.

Gormonal o‘zgarishlar

Gormonlar darajasi doimiy ravishda o‘zgarishi va sochlarga ta’sir qilishi mumkin. Bunday davrlarda boshni protseduralar bilan qiynamaslik kerak. Vaziyatni yaxshilash uchun kerakli tekshiruvlarda o‘tish, vitamin komplekslarini sinab ko‘rish lozim. Sochlarning siyrakligi ba’zi gormonal kasalliklarning alomati bo‘lishi mumkin.

Noto‘g‘ri parvarish

Ba’zida soch to‘kilishining oldini olish uchun keratin yoki botoks kabi protseduralarga murojaat qilinadi. Ular mos keladimi yoki yo‘qmi, bu ahamiyatsiz. Natija esa kutilganidek bo‘lmaydi, sochlar avvalgi holatidan ham ko‘ra yomonroq bo‘lishi mumkin. Shuning uchun parvarishda alohida e’tibor berish, mutaxassis bilan maslahatlashish zarur. Vaqti-vaqti bilan tabiiy niqoblardan foydalanish mumkin. Sochga zarar beruvchi turmaklaydigan vositalardan biroz cheklanish tavsiya etiladi.

Vaqti-vaqti bilan kesish

Maslahatlarga quloq tutsangiz, sartaroshga muntazam tashrif buyurish injiqlik emas, balki zaruratdir. Agar shikastlangan qism o‘z vaqtida kesilmasa, soch tolasining zaiflashuvi katta ehtimollik bilan davom etadi. Keyin uzunlik bilan xayrlashishga to‘g‘ri keladi.

Suyuqlik yetishmasligi

Agar organizmda namlik yetarli darajada bo‘lmasa, sochlar bilan bog‘liq muammmolar paydo bo‘lishi tabiiy. Bundan tashqari, teri va sochlar tom ma’noda suv bilan oziqlanadi. Shuning uchun har qanday namlik tanqisligi birinchi navbatda ularga ta’sir qiladi. Muammoni yaxshilash uchun suv ichishni unutmaslik lozim.

Zararli odatlar

Zararli odatlarga birinchi navbatda spirtli ichimliklar va chekish kiradi. Shu ikki odatning o‘zi butun organizmga, shuningdek, sochlarga ham salbiy ta’sir ko‘rsatadi.

Bosh terisida mikrosirkulyatsiyaning yomonlashishi

Doimiy ravishda bir xil va qattiq soch turmagi boshda qon aylanishga ta’sir o‘tkazadi. Qon aylanishining sekinlashishi nafaqat sochlar uchun zararli, balki bosh og‘rig‘ini ham keltirib chiqaradi. Shuning uchun sochlarni har qanday turmakdan bo‘shatib, yengil harakatlar bilan massaj qilish tavsiya etiladi.

Noto‘g‘ri tarash

Sochlarning zaifligi va sinuvchanligi, albatta, tarashga ham bog‘liq. Chunki noto‘g‘ri parvarish, singan taroq va o‘ta ko‘p tarash o‘z-o‘zidan sochlarning holatini yomonlashtiradi. Mutaxassislar sochni kuniga 2-3 marta tarashni tavsiya etadi.

Namlantiruvchi niqoblarning yetishmasligi

Quruq va zaif sochlar uchun namlantiruvchi niqob retsepti:

1. Yarim stakan kokos suti maydalangan avokado bilan aralashtiriladi.
2. Aralashma sochning butun uzunligi va ildizlariga qo‘llaniladi.
3. Sochlar plyona va mato bilan o‘ralib, bir necha soat kutiladi.
4. Shundan so‘ng sochlar odatdagi tarzda yuviladi.
5. Ushbu niqob sochlarni qalin va mustahkam bo‘lishiga yordam beradi.