Ҳамма аёллар ҳам сочларини қалин ва жилокор бўлишини хоҳлайди. Аммо ҳамиша синувчан ҳамда заиф сочларга қарши курашади. Натижага эришишига халақит берадиган зарар одатлар эса ҳеч кимнинг хаёлига келмайди, деб ёзади «Lisa.ru».
Соч нима учун заифлашади?
Ёмон об-ҳаво, шамол чалкаштириб юборган толалар, бош кийими, ҳар куни ишқаланидиган ёстиқ — бу мунтазам такрорланадиган омиллар. Доимий равишда такрорланадиган механик ва кимёвий таъсирлар сочларнинг синувчан ва заифлашишига олиб келади.
Заифлик одатда қуруқ соч турларига хосдир. Трихоклазиянинг пайдо бўлиши (муаммонинг тиббий номи) бош териси ишлаб чиқарадиган ёғ секрециясининг етарли эмаслиги туфайли юзага келади. Ташқи томондан, бу юмшоқлик, эластиклик ва порлашнинг етишмаслиги сифатида намоён бўлади. Кўпинча заифлик қазғоқ ёки ҳатто соч тўкилиши билан бирга кузатилади. Толалар сийраклашиб, учлари гуллай бошлайди.
Бунга кўплаб нохуш омиллар, жумладан, баъзи касалликлар, метаболик патологиялар ва организмдаги сурункали жараёнлар сабаб бўлиши мумкин. Ечим сифатида кўпинча бир қарашда бош соҳаси билан ҳеч қандай алоқаси бўлмаган омилларни бартараф этишга тўғри келади.
Организмга одатий ҳурматсизлик, аниқ нарсаларни эътиборсиз қолдиришга заиф сочлар ҳам қўшимча бўла олади. Қишда бош кийимсиз юриш эса соч толаларининг тузилишига осонгина зарар етказиши мумкин, бу эса уларнинг сийраклашишига олиб келади. Жазирама қуёшда узоқ вақт қолиш ҳам унчалик фойдали эмас. Фен ва дазмоллардан тез-тез, ҳаддан ташқари кўп фойдаланиш сочнинг қуриб қолиши, шунингдек, тузилишга зарар етказиши мумкин. Сочни тез-тез ювиш эса терини ҳимоя қиладиган барча ёғларни йўқ қилиб ташлайди, бу эса қуруқ бош терисига ва натижада сочларнинг қуруқлигига олиб келади. Бўяш учун гўзаллик салонига мунтазам ташриф буюриш, бўёқлар таркибидаги кимёвий моддаларнинг салбий таъсири туфайли уларнинг ҳолатини ёмонлаштиришнинг яна бир усули ҳисобланади.
Заиф сочларни даволашнинг 10 усули
Микроэлементлар танқислиги
Тўғри овқатланиш саломатликни сақлашда муҳим рол ўйнайди. А, Б гуруҳлари витаминлари, фолий кислотаси, кальций, кремний етишмаслиги билан соч толаси тўлиқ ривожлана олмайди. Етарлича озиқланмаслик сочларни секин ўсишига сабаб бўлади. Бунинг олдини олиш учун рационга биотин (тухум ва балиқда мавжуд) ва селен (кунгабоқар уруғига бой) каби компонентлар билан тўйинган маҳсулотларни киритиш тавсия этилади. Шунингдек, омега-3, оқсил, Д витамини ҳам ёрдам беради.
Стресс
Фолликулаларни зарур озиқ моддалар билан таъминлайдиган томирларнинг соғлиғи бевосита асаб тизимининг ҳолатига боғлиқ. Стрессни бартараф этиш учун табиат қўйнида кўпроқ сайр қилиш ва безовта қилувчи омиллар билан алоқани минималлаштириш лозим. Ёга ва медитация заиф сочлар учун кутилмаган, аммо самарали воситадир.
Гормонал ўзгаришлар
Гормонлар даражаси доимий равишда ўзгариши ва сочларга таъсир қилиши мумкин. Бундай даврларда бошни процедуралар билан қийнамаслик керак. Вазиятни яхшилаш учун керакли текширувларда ўтиш, витамин комплексларини синаб кўриш лозим. Сочларнинг сийраклиги баъзи гормонал касалликларнинг аломати бўлиши мумкин.
Нотўғри парвариш
Баъзида соч тўкилишининг олдини олиш учун кератин ёки ботокс каби процедураларга мурожаат қилинади. Улар мос келадими ёки йўқми, бу аҳамиятсиз. Натижа эса кутилганидек бўлмайди, сочлар аввалги ҳолатидан ҳам кўра ёмонроқ бўлиши мумкин. Шунинг учун парваришда алоҳида эътибор бериш, мутахассис билан маслаҳатлашиш зарур. Вақти-вақти билан табиий ниқоблардан фойдаланиш мумкин. Сочга зарар берувчи турмаклайдиган воситалардан бироз чекланиш тавсия этилади.
Вақти-вақти билан кесиш
Маслаҳатларга қулоқ туцангиз, сартарошга мунтазам ташриф буюриш инжиқлик эмас, балки заруратдир. Агар шикастланган қисм ўз вақтида кесилмаса, соч толасининг заифлашуви катта эҳтимоллик билан давом этади. Кейин узунлик билан хайрлашишга тўғри келади.
Суюқлик етишмаслиги
Агар организмда намлик етарли даражада бўлмаса, сочлар билан боғлиқ муамммолар пайдо бўлиши табиий. Бундан ташқари, тери ва сочлар том маънода сув билан озиқланади. Шунинг учун ҳар қандай намлик танқислиги биринчи навбатда уларга таъсир қилади. Муаммони яхшилаш учун сув ичишни унутмаслик лозим.
Зарарли одатлар
Зарарли одатларга биринчи навбатда спиртли ичимликлар ва чекиш киради. Шу икки одатнинг ўзи бутун организмга, шунингдек, сочларга ҳам салбий таъсир кўрсатади.
Бош терисида микроциркуляциянинг ёмонлашиши
Доимий равишда бир хил ва қаттиқ соч турмаги бошда қон айланишга таъсир ўтказади. Қон айланишининг секинлашиши нафақат сочлар учун зарарли, балки бош оғриғини ҳам келтириб чиқаради. Шунинг учун сочларни ҳар қандай турмакдан бўшатиб, енгил ҳаракатлар билан массаж қилиш тавсия этилади.
Нотўғри тараш
Сочларнинг заифлиги ва синувчанлиги, албатта, тарашга ҳам боғлиқ. Чунки нотўғри парвариш, синган тароқ ва ўта кўп тараш ўз-ўзидан сочларнинг ҳолатини ёмонлаштиради. Мутахассислар сочни кунига 2-3 марта тарашни тавсия этади.
Намлантирувчи ниқобларнинг етишмаслиги
Қуруқ ва заиф сочлар учун намлантирувчи ниқоб рецепти:
- Ярим стакан кокос сути майдаланган авокадо билан аралаштирилади.
- Аралашма сочнинг бутун узунлиги ва илдизларига қўлланилади.
- Сочлар плёна ва мато билан ўралиб, бир неча соат кутилади.
- Шундан сўнг сочлар одатдаги тарзда ювилади.
- Ушбу ниқоб сочларни қалин ва мустаҳкам бўлишига ёрдам беради.
Изоҳ (0)