Sharq go‘zallari avlodlar bilan o‘z go‘zallik retseptlarini bo‘lishib, tabiiy yondashuvga sodiq qoladi. G‘arb kosmetologiyasining yangiliklari esa ko‘pincha arab ayollarining an’anaviy yondashuvi oldida o‘z o‘rnini yo‘qotadi. Marie Claire nashri Sharq malikalari qanday qilib ortiqcha xarajat va harakatlarsiz mukammal ko‘rinishining sirlari bilan bo‘lishdi.
Shayx Moza, Qirolicha Raniya va Dina Abdulaziz — bu sharq ayollarining barchasi o‘zining go‘zalligi va yorqin fe’l-atvori bilan dunyoni zabt etgan. Biroq badavlat bo‘lishiga qaramay, ular oddiy ayollar kabi tashqi ko‘rinishini yaxshilash uchun xalqona usullardan foydalanadi.
Kefir niqoblari
Sochlarning qalinligi va tovlanishi uchun malikalar tabiiy kosmetika bilan birgalikda tabiiy mahsulotlarga ham murojaat qiladi. Misol uchun, kefirli niqobni 10 daqiqa davomida qo‘llash, so‘ngra sochlarni yuvish. Ajoyib natijaga erishish uchun kefirni uy sharoitida mustaqil ravishda tayyorlash kerak.
Tabiiy rang berish
Oddiy ayollardan tortib, malikalar ham qora rangli sochlarni afzal ko‘radi. Har doim ham foydali bo‘lmagan tarkibga ega bo‘yoqlarga murojaat qilmasdan sochni bo‘yash uchun xina yoki basmadan foydalanish odatiy holdir. Tabiiy bo‘yoq istalgan natijaga qarab, boshda besh daqiqadan sakkiz soatgacha ushlab turilishi mumkin. Asosiysi, shampun ishlatmasdan bo‘yoqni suv bilan yuvish.
Qimmatbaho yog‘lar
Sharq ayollarining yana bir sevimli mahsuloti argan yog‘i bo‘lib, u yuz va terini, shuningdek, sochlarni parvarish qilish uchun ishlatiladi. Shampunga bu yog‘dan bir necha tomchi qo‘shish va konditsioner ishlatmasdan silliq sochlarga erishish mumkin. Argan yog‘i yuz terisiga yumshoqlik beradi va tarkibida E vitaminining yuqori miqdori tufayli u husnbuzar bilan kurashda haqiqatan ham samarali hisoblanadi.
Ko‘pgina sharq atirlarining asosini efir moylari tashkil qiladi
Birinchidan, bu tabiiy, ya’ni bunday atirlar allergik reaksiyaga olib kelmaydi. Ikkinchidan, yog‘ga asoslangan xushbo‘y hid bir necha kun qoladi. Uchinchidan, ularning tarkibida ko‘p hollarda bitta ingredient mavjud va issiq hammomdagi bir necha tomchi efir moyi har qanday krem o‘rnini bosadi.
Atirgullar faqat guldastalar uchun emas
Sharq malikalari atirgul suvi yuz uchun tabiiy tonik ekaniga amin. U terini yangilaydi, silliqlaydi, qizarish va tirnash xususiyatini yo‘qotadi. Yoqimli hidi tufayli u zamonaviy atirlarga muqobil sifatida ishlatiladi.
Zarchava niqobi
Arab go‘zallari hind ayollaridan zarchavaning foydalari haqida bilib oldi. 2 osh qoshiq un, yarim choy qoshiq zarchava va 2 osh qoshiq sut silliq bo‘lguncha aralashtiriladi va yarim soat davomida yuzga qo‘llaniladi. Ushbu niqob terini yumshatib, kirlardan tozalashga yordam beradi.
Tonal krem o‘rniga limon
Arab ayollari limon sharbatini terining kamchiliklarini bartaraf etish va unga yorqinlik berishning eng samarali usuli deb hisoblaydi. Buning uchun haftada bir marta yuzni limon sharbati bilan artib turish kifoya. Terini oqartirish uchun har kuni yotishdan oldin buni amalga oshirish tavsiya etiladi.
Izoh (0)