Yuzni muz bo‘lagi bilan artib olish Merilin Monro, Marlen Ditrix va, albatta, yana bir qancha mashhurlar tomonidan ko‘p qo‘llaniladigan eng qadimgi muolajalardan biridir. Endilikda bu yana TikTok’da shuhrat qozonmoqda va barchasi Bella Xadid tufayli, deb yozadi The Symbol.
Yaqinda ijtimoiy tarmoqlarda model terining silliq va yorqin ko‘rinishi siri bilan bo‘lishdi — bu muz bilan yuvish edi. Bella joylashtirgan suratda u muz bo‘laklari bilan to‘lgan idishga yuzini botirgani aks etgan. Ushbu layfxak bir zumda millionlab TikTok foydalanuvchilari tomonidan qo‘llanildi va muz bilan yuvish haqiqatan ham ish bergani haqida fikrlar qoldirildi.
Jarayon bir qator afzalliklarga ega. Muz tun davomida hosil bo‘lgan ko‘z ostidagi shish, qora dog‘ va xaltachalarni bir zumda yo‘qotadi, terini tetiklantiradi, uyqudan keyin tezroq uyg‘onishga yordam beradi. Bu termal effekt qon oqimini rag‘batlantiradi, natijada teri yanada silliq va yorqinroq bo‘ladi. Bundan tashqari, muz bilan muntazam yuvish teri hujayralarining yangilanishiga yordam beradi, qarishni sekinlashtiradi va ajinlar paydo bo‘lishining oldini oladi.
Samaradorlikni oshirish uchun muz bo‘laklariga oddiy toza suv emas, balki turli xil faol moddalarni ham qo‘shish mumkin. Masalan, shishga qarshi ta’sirini kuchaytirish uchun moychechak qaynatmasini bir necha tomchi uzum urug‘i yog‘i bilan, detoks uchun esa greypfruit sharbati bilan ko‘k choyni muzlatish kifoya. Agar teri juda quruq bo‘lsa, muz bo‘laklariga krem yoki kosmetik yog‘larni qo‘shish mumkin. Ehtiyot bo‘lish lozim, o‘simlik tarkibiy qismlari kuchli allergiyaga olib kelish ehtimoli mavjud. Ushbu tarkibli muz bo‘laklari bilan yuvishdan oldin sinov tariqasida terining kichik joyini yuvib, biroz kutish tavsiya etiladi. Agar qizarish paydo bo‘lmasa, demak, kompozitsiya teriga mos kelgan.
Mavzuga doir:
Izoh (0)