O‘zbekistonda YIM o‘sish sur’ati pasayishi prognoz qilinmoqda va inflyatsiya darajasini pasaytirish taklif etildi. Bu haqda Xalqaro valyuta jamg‘armasi xabar bermoqda.
Ron van Ruden boshchiligidagi Xalqaro Valyuta Jamg‘armasi xodimlari jamoasi 2022-yil 7—15-noyabr kunlari O‘zbekiston hukumati bilan iqtisodiy o‘zgarishlar va istiqbollarni hamda siyosat ustuvorliklarini muhokama qilish uchun uchrashdi. Shundan so‘ng, jamg‘arma o‘z bayonotini e’lon qildi.
Inflyatsiya qanchalik chuqur ildiz otgan bo‘lsa, uni nazorat ostida ushlab turish shunchalik qimmatga tushadi, — deya ogohlantiradi XVJ.
Shu sababli, pul-kredit siyosati inflyatsiya darajasini pasaytirishga qaratilgan bo‘lishi kerak.
Mutaxassislar Markaziy bankning joriy yondashuvining to‘g‘riligini ta’kidlaydi, ammo uning ta’siri cheklangan deb hisoblaydi. Bunga sabablari esa moliyaviy vositachilik darajasining pastligi, shuningdek, iqtisodiyotning yuqori dollarlashuvidir.
XVJ yanada samarali pul-kredit siyosati uchun imtiyozli kreditlash dasturlarini qisqartirishga chaqirdi. Buning o‘rniga, muhim faoliyat uchun foizli subsidiyalar joriy etish taklif etiladi.
Fiskal siyosat ham past inflyatsiyani qo‘llab-quvvatlashi kerak. Shu bilan birga, aholining ijtimoiy himoyaga muhtoj qatlamlarini manzilli qo‘llab-quvvatlashi zarur.
Xalqaro valyuta jamg‘armasi O‘zbekistonda 2022-yil yakuniga qadar YIM real o‘sishi 5,8 foizni tashkil etishini prognoz qildi. 2023-yilda bu ko‘rsatkich 4,8 foizni tashkil qilishi kutilmoqda.
Kelgusi yilda uni 3 foizgacha kamaytirish rejalashtirilgan, ammo bu QQSning kamayishi va oltin narxining tushishi xavfini hisobga olgan holda “qiyin vazifa” bo‘lishi mumkin.
Yalpi ichki mahsulot 2022-yilda kishi boshiga 2 254 dollarni, 2023-yilda esa 2 504 dollarni tashkil etishi prognoz qilingan.
Mutaxassislar imtiyozlarni bekor qilish va soliqqa rioya qilishni yaxshilash orqali soliq solinadigan bazani kengaytirishni tavsiya qildi. Shuningdek, ular davlat investitsiyalarini boshqarishni yaxshilash imkoniyatlarini qayd etdi.
Izoh (0)