Mahalla xayriya jamoat fondining Toshkent shahar Mirzo Ulug‘bek tumani bo‘linmasi mas’ullari ularga berilgan bino olib qo‘yilishidan xavotirda ekanini aytmoqda. Bu haqda “Daryo”ga murojaat qilgan bo‘linma raisi Hamro Taganov xabar berdi.
Ma’lum qilinishicha, 2014-yil Mirzo Ulug‘bek tumani hokimi qarori bilan Ufhh-bizness MCHJga tumanning “Lashkarbegi” mahallasi Niyozbek ko‘chasida joylashgan 0,66 gektar yer-maydoni mahalla idorasi va marosimlar uyi, hamda avtoturargoh qurish maqsadida berilgan. Biroq qurilish ishlari MCHJ mas’ullari tomonidan yakuniga yetkazilmay, 2019-yilda qurilishi chala bo‘lgan ikki qavatli bino Gentle comfort MCHJga sotilgan.
2020-yil bino qurilishini yakunlagan Gentle comfort MCHJ bu binodan biznes markazi sifatida foydalanib kelmoqda. Biroq MCHJ mas’ullari binoni boshqa maqsadda qurib, foydalanib kelayotgan bo‘lsa-da, 2014-yildagi qarorda nazarda tutilgan qismiga e’tibor qaratgan. Va xayriya jamoat fondiga so‘ralganidan-da ko‘proq joy ajratgan.
Ayni kunda bu binoni qurib, foydalanib kelayotgan tomon dastlabki qarorda nazarda tutilgan qismiga urg‘u berib, dastlabki qarorni tan olgan holda bizga so‘ralganidan-da, ko‘proq joy va imkoniyat yaratib berdi. Ammo bugungi kunga kelib, qurilish ishlarini chala qoldirgan tomon binoga da’vo qilmoqda. Biz bino olib qo‘yilsa, xayriya jamoat fondiga tegishli joy tortib olinishidan yoki dastlabki qarorda ko‘rsatilgan kichik yer berilishidan qo‘rqyapmiz. Xabaringiz bor bugun mahalla tizimi juda kengaygan. Idorada nafaqat rais, hokim yordamchisi, mahalla xotin-qizlar faoli va profilaktika inspektorlaridan iborat ishchilar faoliyat yuritadi. Shu sabab biz egalik qilib turgan joyimiz ma’qul, — deydi Hamro Taganov.Gentle comfort MCHJ mas’ullarining “Daryo”ga bildirishicha, haqiqatan ham mazkur binoga egalik huquqi so‘ralib, 2019-yildagi oldi-sotdi shartnomasini bekor qilishga urinish bilan bog‘liq sud jarayonlari ketmoqda.
“17-noyabr kuni bu bo‘yicha sayyor sud majlisi bo‘lib o‘tadi. Mazkur suddan so‘ng holat haqida batafsil ma’lumot beramiz”, — deydi Gentle comfort MCHJ mas’ullari.
“Daryo” voqealar rivojini kuzatishda davom etadi.
Izoh (2)
Нужно вести закон о том чтобы журналисты без фактов ничего не выставляли. Топят за того кто им заплатил
Фейк хабар. Курилиш 5 этаж болиб сотилган. Дарйо нашрийоти бир томонлама фикир йоритгандан кора. Хар томонлама органиб йоритгани яхши. Качонга бир кишини фикрини эшитиб иккинчи тарафни эшитмай туриб мулохаза килиш мумкун? Икинчидан. Comfort Gentle рахбарияти махалага жой бермохчи эмас эди. Бу хакида махала РУВДга килган мурожатидан коришингиз мумкун.