Toshkent viloyati Zangiota tumanida “KamAZ” va Nexia-2 ishtirokida yuz bergan YTH natijasida yengil avtomobilda yong‘in kelib chiqdi.
FVV matbuot xizmatining xabar qilishicha, voqea 16-noyabr kuni soat 09:18 da “Erkin” MFY hududidan o‘tgan M-39 yo‘lida sodir bo‘lgan. Voqea joyiga tuman FVBdan ikkita yong‘in-qutqaruv ekipaji soat 09:23 da yetib borib, yong‘in soat 09:25 da qurshab olingan va soat 09:32 da o‘chirilgan.
Hodisa oqibatida tan jarohati olgan va halok bo‘lganlar yo‘q.
Yo‘l harakati xavfsizligi xizmati xabariga ko‘ra, yong‘in Nexia-2 oldinda qayrilib olayotgan “KamAZ” yuk avtomobilini shina qismiga to‘qnashganida zarb oqibatida yuzaga kelgan.
Mazkur holat yuzasidan tuman IIB YHXB va FVB xodimlari tomonidan surishtiruv harakatlari olib borilmoqda.
Izoh (0)