Маҳалла хайрия жамоат фондининг Тошкент шаҳар Мирзо Улуғбек тумани бўлинмаси масъуллари уларга берилган бино олиб қўйилишидан хавотирда эканини айтмоқда. Бу ҳақда «Дарё»га мурожаат қилган бўлинма раиси Ҳамро Таганов хабар берди.
Маълум қилинишича, 2014 йил Мирзо Улуғбек тумани ҳокими қарори билан Ufhh-bizness МЧЖга туманнинг «Лашкарбеги» маҳалласи Ниёзбек кўчасида жойлашган 0,66 гектар ер майдони маҳалла идораси ва маросимлар уйи, ҳамда автотураргоҳ қуриш мақсадида берилган. Бироқ қурилиш ишлари МЧЖ масъуллари томонидан якунига етказилмай, 2019 йилда қурилиши чала бўлган икки қаватли бино Gentle comfort МЧЖга сотилган.
2020 йил бино қурилишини якунлаган Gentle comfort МЧЖ бу бинодан бизнес маркази сифатида фойдаланиб келмоқда. Бироқ МЧЖ масъуллари бинони бошқа мақсадда қуриб, фойдаланиб келаётган бўлса-да, 2014 йилдаги қарорда назарда тутилган қисмига эътибор қаратган. Ва хайрия жамоат фондига сўралганидан-да кўпроқ жой ажратган.
Айни кунда бу бинони қуриб, фойдаланиб келаётган томон дастлабки қарорда назарда тутилган қисмига урғу бериб, дастлабки қарорни тан олган ҳолда бизга сўралганидан-да, кўпроқ жой ва имконият яратиб берди. Аммо бугунги кунга келиб, қурилиш ишларини чала қолдирган томон бинога даъво қилмоқда. Биз бино олиб қўйилса, хайрия жамоат фондига тегишли жой тортиб олинишидан ёки дастлабки қарорда кўрсатилган кичик ер берилишидан қўрқяпмиз. Хабарингиз бор бугун маҳалла тизими жуда кенгайган. Идорада нафақат раис, ҳоким ёрдамчиси, маҳалла хотин-қизлар фаоли ва профилактика инспекторларидан иборат ишчилар фаолият юритади. Шу сабаб биз эгалик қилиб турган жойимиз маъқул, — дейди Ҳамро Таганов.Gentle comfort МЧЖ масъулларининг «Дарё»га билдиришича, ҳақиқатан ҳам мазкур бинога эгалик ҳуқуқи сўралиб, 2019 йилдаги олди-сотди шартномасини бекор қилишга уриниш билан боғлиқ суд жараёнлари кетмоқда.
«17 ноябрь куни бу бўйича сайёр суд мажлиси бўлиб ўтади. Мазкур суддан сўнг ҳолат ҳақида батафсил маълумот берамиз», — дейди Gentle comfort МЧЖ масъуллари.
«Дарё» воқеалар ривожини кузатишда давом этади.
Изоҳ (2)
Нужно вести закон о том чтобы журналисты без фактов ничего не выставляли. Топят за того кто им заплатил
Фейк хабар. Курилиш 5 этаж болиб сотилган. Дарйо нашрийоти бир томонлама фикир йоритгандан кора. Хар томонлама органиб йоритгани яхши. Качонга бир кишини фикрини эшитиб иккинчи тарафни эшитмай туриб мулохаза килиш мумкун? Икинчидан. Comfort Gentle рахбарияти махалага жой бермохчи эмас эди. Бу хакида махала РУВДга килган мурожатидан коришингиз мумкун.