“(Uch)tepadagilar bilan 2 kunlik muzokaradan so‘ng bugun chiroyim ochiq. Endi ‘gazbonu’ desangiz yarashadi”. Aziza Qurbonova hududda gaz bosimi yaxshilanganini ma’lum qildi

Jurnalist Aziza Qurbonova ijtimoiy tarmoq foydalanuvchilari tomonidan qizg‘in muhokamalarga sabab bo‘lgan gaz muammosi haqidagi postidan so‘ng hududda gaz bosimi qayta tiklangani haqida yozmoqda.

Salom, bu yana menman. Mana endi “gazbonu” desangiz yarashadi. (Uch)tepadagilar bilan ikki kunlik muzokaralardan so‘ng bugun chiroyim ancha ochiq. Uylarni isityapman, ovqatlarni pishirishni boshladim, kelinlarning kirlarini qurityapman.

Boshqa meni uyaltirmanglar, gaz degan nomimga yarashadigan bo‘lay. Manzilim o‘sha-o‘sha. Bilaman, qolgan joylarda kamnamoman yoki qadamim hali-veri yetib borgani yo‘q… Qachon borishimni bilmayman ham, — deb yozadi “Mikrofon ko‘targan ayol”.

Mavzuga doir: “Siz nima qilib berdingiz tumanga?” Uchtepa hokimligi jurnalistning gaz muammosi haqidagi postiga izoh qoldirdi (foto)