Twitter foydalanuvchilar qurilmasini ko‘rsatishni to‘xtatadi

Twitter’da endi foydalanuvchi qaysi qurilmadan post joylagani ko‘rsatilmaydi. Bu haqda amerikalik tadbirkor va ijtimoiy tarmoqning yangi egasi Ilon Maskka tayanib “RBK” xabar bermoqda.

Nihoyat, har bir tvit ostida u qaysi qurilmadan ko‘rsatilishini to‘xtatamiz. Bu ekran va kompyuter maydonining behuda sarflanishini oldini oladi, — deb yozdi u.

Hozirda Twitter’dagi har bir post ostida u qaysi qurilmadan yozilgani ko‘rsatiladi. Masalan, Maskning xabari ostida u tvitni iPhone’dan yozgani haqida belgi bor.

Mask Twitter’ni oktabr oyi oxirida 44 milliard dollarga sotib oldi. Shundan so‘ng, direktorlar kengashini ishdan bo‘shatib, ijtimoiy tarmoqni shaxsan o‘zi boshqarmoqda.

Mask kompaniyani sotib olgach, Twitter xodimlarining yarmini, jumladan, yuqori boshqaruvni ham ishdan bo‘shatdi.

Avvalroq Ilon Mask Twitter’ning 4 400 nafar xodimini ogohlantirishsiz ishdan bo‘shatgani aniqlangani haqida xabar berilgandi.