Twitter’да энди фойдаланувчи қайси қурилмадан пост жойлагани кўрсатилмайди. Бу ҳақда америкалик тадбиркор ва ижтимоий тармоқнинг янги эгаси Илон Маскка таяниб «РБК» хабар бермоқда.
Ниҳоят, ҳар бир твит остида у қайси қурилмадан кўрсатилишини тўхтатамиз. Бу экран ва компьютер майдонининг беҳуда сарфланишини олдини олади, — деб ёзди у.
Ҳозирда Twitter’даги ҳар бир пост остида у қайси қурилмадан ёзилгани кўрсатилади. Масалан, Маскнинг хабари остида у твитни iPhone’дан ёзгани ҳақида белги бор.
Маск Twitter’ни октябрь ойи охирида 44 миллиард долларга сотиб олди. Шундан сўнг, директорлар кенгашини ишдан бўшатиб, ижтимоий тармоқни шахсан ўзи бошқармоқда.
Маск компанияни сотиб олгач, Twitter ходимларининг ярмини, жумладан, юқори бошқарувни ҳам ишдан бўшатди.
Аввалроқ Илон Маск Twitter’нинг 4 400 нафар ходимини огоҳлантиришсиз ишдан бўшатгани аниқлангани ҳақида хабар берилганди.
Изоҳ (0)