“Gazprom” 2022-yilda gaz qazib olishni o‘tgan yilning shu davriga nisbatan 19,2 foizga — 359,7 milliard kub metrgacha qisqartirgan. Bu haqda “TASS” xabar bermoqda.
MDHdan tashqari mamlakatlarga gaz eksporti 10,5 oy davomida 43,4 foizga (71,6 milliard kub metrga) qisqarib, 93,2 milliard kub metrgacha kamaygan.
Shu bilan birga, noyabr oyida “Gazprom”ning o‘rtacha kunlik eksporti oktyabr oyiga nisbatan 3,9 foizga — 133,3 million kub metrgacha qisqargan. Kompaniya tasdiqlangan buyurtmalarga muvofiq gaz yetkazib berishda davom etmoqda.
Bundan tashqari, Rossiya ichki bozorida “Gazprom” gaziga bo‘lgan talab 10,5 oy ichida 5,9 foizga (12,3 milliard kub metrga) kamaygan.
Shunga qaramay, Rossiya gazining Xitoyga gaz eksporti o‘sishda davom etmoqda. Yetkazib berish muntazam ravishda kunlik shartnoma miqdoridan oshadi.
Avvalroq Rossiya omborlaridagi gaz zaxirasi tarixiy maksimal darajaga yetgani haqida xabar berilgan edi.
Izoh (0)