Qozog‘iston terma jamoasi bosh murabbiyi: “O‘zbekiston kabi kuchli raqibga qarshi o‘ynash biz uchun muhim”

Qozog‘iston terma jamoasi bosh murabbiyi Magomed Adiyev O‘zbekistonga qarshi kechadigan o‘yin oldidan o‘z fikrlari bilan o‘rtoqlashdi.

O‘yin haqida

Bizni qardoshlik derbisi kutmoqda. Raqibni hurmat qilamiz. Qisqa fursatda ishlab chiqqan taktikamizni qo‘llashga harakat qilamiz.

Har doim yutish muhim. Biz g‘alaba qozonish uchun shug‘ullanamiz, shuni ustida ishlaymiz. Prinsipiallik yo‘q. Asosiy vazifamiz — Jahon Chempionati saralashiga taraddud ko‘rish.

Tarkibga jalb etilayotgan futbolchilar borasida tanqid ko‘pligi haqida

Bunga tabiiy jarayon sifatida qarayman. Hamma sizdan qoniqsa, bu ishlar yaxshi ketayotganini anglatmaydi. Eng katta e’tirozni o‘zimga o‘zim qilaman, hamisha o‘zimga savol berib ko‘raman.

Terma jamoaning Millatlar Ligasidagi ishtirokiga kelsak, hammasi yaxshi kechyapti. Ertangi uchrashuv orqali Yevropa chempionati saralash bosqichiga taraddud ko‘rishimiz lozim. Jiddiy qarashimiz kerak.

Mukofot puli haqida

Har bir o‘yindan so‘ng pul mukofoti belgilanadi. Bu shu uchun mo‘ljallangan maxsus fonddan ajratiladi. Millatlar Ligasi va o‘rtoqlik o‘yinidagi summada katta farq bo‘ladi. Ertaga yigitlar pul uchun emas, mamlakat gerbi uchun maydonga tushadi.

O‘zbekiston kuchli tomonlari borasida

O‘zbekiston munosib raqib. Individual kuchli o‘yinchilari talaygina, qanotlari ham zo‘r ishlaydi. O‘zbekiston kabi kuchli raqibga qarshi o‘ynash biz uchun muhim. Bu kuchli va kuchsiz tomonlarimizni ko‘rib olishga xizmat qiladi.

Magomed Adiyev, Qozog‘iston terma jamoasi bosh murabbiyi

Mavzuga doir: Srechko Katanes: “Qozog‘istonga qarshi bahs ko‘pchilik uchun derbi va muhim o‘yin bo‘lishi mumkin, ammo men uchun navbatdagi odatiy o‘rtoqlik uchrashuvi”