“Bu juda og‘ir, biroq ertaga yana tong otadi” — Serxio Ramos Ispaniyaning JCH—2022 uchun tarkibidan joy olmagani haqida

“PSJ” himoyachisi Serxio Ramos Ispaniya terma jamoasining JCH—2022 uchun qaydnomasidan o‘rin olmagani haqida gapirdi.

“Qizil furiya” ustozi Luis Enrike 36 yoshli markaziy himoyachini mundialga boradigan ro‘yxatga kiritmadi.

Jarohatlar borasida

O‘tgan mavsum jarohat va yangi klub hamda shaharga moslashish jarayoni sabab qiyin bo‘ldi. Bor e’tiborimni tiklanishga va avvalgi formamni qaytarishga qaratdim.

Bu mavsum o‘zimga kelganimni sezyapman, buyuk klub va Parij kabi buyuk shaharda o‘ynashdan rohat olyapman.

Jahon Chempionatiga bormasligi haqida

Albatta, bu men erishishni xohlagan katta orzu edi. Bu men uchun beshinchi mundial bo‘lishi mumkin edi, afsuski, uni uydan kuzatishimga to‘g‘ri keladi.

Bu og‘ir, biroq ertaga yana quyosh chiqadi. O‘zimda biror jihatni o‘zgartirmagan bo‘lardim — na mentalitet, na ehtiros, na sodiqlik, na fidokorlik, hech birini. Sutkaning 24 soatida futbol haqida o‘ylayman.

Barcha qo‘llab-quvvatlaganlarga rahmat. Oldinda hali ko‘plab vazifa va maqsadlar bor. Yaqinda ko‘rishamiz. Barchaga eng yaxshi tilaklarim. Olg‘a, Ispaniya.

Serxio Ramos, futbolchi