“Manchester Yunayted” hujumchi Krishtianu Ronaldu bilan o‘rtadagi mehnat shartnomasini bekor qilishi mumkin.
The Telegraph’ning xabar qilishicha, klub futbolchining shov-shuvli intervyusi sabab sanksiyalarning turli variantini ko‘rib chiqyapti.
Ular orasida Krishtianu bilan shartnomani o‘zaro bekor qilish ham bor. Faqat forvard mavsum oxirigacha mo‘ljallangan maoshlar kompensatsiya qilinishini talab qilmagan taqdirdagina bu ish amalga oshiriladi.
Biroq jamoa rahbariyati Ronaldu aynan shuni xohlayotganidan xavotirda. Klub ortiqcha xarajatga qo‘l urmoqchi emas, shu bilan birga uni jamoada qoldirib bo‘lmasligini ham anglab turibdi.
Yakuniy qaror chiqarishdan avval “Manchester Yunayted” intervyuning to‘liq versiyasi chiqishi kutadi, u chorshanba yoki payshanba kuni e’lon qilinishi kutilmoqda. Yangi argumentlar chiqqan taqdirda klub “kelishuv shartlarining buzilishi”ni vaj qilgan holda bitimni bir tomonlama buzish huquqiga ham ega bo‘lishi mumkin.
ESPN ma’lumotlariga ko‘ra, rahbariyat 37 yoshli futbolchining klubdagi taqdirini belgilashni Erik ten Hagga topshiradi.
Klub Ronalduning intervyusi borasida bayonot berar ekan, barcha faktlar ochiqlangandan keyin o‘z qarorini berishini va hozirda mavsumning ikkinchi yarmiga tayyorgarlik jarayoniga e’tibor qaratganini ma’lum qilgan.
Mavzuga doir: “Ten Hagni hurmat qilmayman. Klub menga xiyonat qildi” — Ronaldu “Manchester Yunayted”dagi vaziyat haqida keskin gapirdi
Izoh (0)