Қозоғистон терма жамоаси бош мураббийи: «Ўзбекистон каби кучли рақибга қарши ўйнаш биз учун муҳим»

Қозоғистон терма жамоаси бош мураббийи Магомед Адиев Ўзбекистонга қарши кечадиган ўйин олдидан ўз фикрлари билан ўртоқлашди.

Ўйин ҳақида

Бизни қардошлик дербиси кутмоқда. Рақибни ҳурмат қиламиз. Қисқа фурсатда ишлаб чиққан тактикамизни қўллашга ҳаракат қиламиз.

Ҳар доим ютиш муҳим. Биз ғалаба қозониш учун шуғулланамиз, шуни устида ишлаймиз. Принципиаллик йўқ. Асосий вазифамиз — Жаҳон Чемпионати саралашига тараддуд кўриш.

Таркибга жалб этилаётган футболчилар борасида танқид кўплиги ҳақида

Бунга табиий жараён сифатида қарайман. Ҳамма сиздан қониқса, бу ишлар яхши кетаётганини англатмайди. Энг катта эътирозни ўзимга ўзим қиламан, ҳамиша ўзимга савол бериб кўраман.

Терма жамоанинг Миллатлар Лигасидаги иштирокига келсак, ҳаммаси яхши кечяпти. Эртанги учрашув орқали Европа чемпионати саралаш босқичига тараддуд кўришимиз лозим. Жиддий қарашимиз керак.

Мукофот пули ҳақида

Ҳар бир ўйиндан сўнг пул мукофоти белгиланади. Бу шу учун мўлжалланган махсус фонддан ажратилади. Миллатлар Лигаси ва ўртоқлик ўйинидаги суммада катта фарқ бўлади. Эртага йигитлар пул учун эмас, мамлакат герби учун майдонга тушади.

Ўзбекистон кучли томонлари борасида

Ўзбекистон муносиб рақиб. Индивидуал кучли ўйинчилари талайгина, қанотлари ҳам зўр ишлайди. Ўзбекистон каби кучли рақибга қарши ўйнаш биз учун муҳим. Бу кучли ва кучсиз томонларимизни кўриб олишга хизмат қилади.

Магомед Адиев, Қозоғистон терма жамоаси бош мураббийи

Мавзуга доир: Сречко Катанец: «Қозоғистонга қарши баҳс кўпчилик учун дерби ва муҳим ўйин бўлиши мумкин, аммо мен учун навбатдаги одатий ўртоқлик учрашуви»