Yevrokomissiya rahbari Ursula fon der Layen Yevropa Ittifoqi Rossiya nefti narxining yuqori chegarasini belgilashni boshlashga tayyorligini aytdi. Uning qayd etishicha, Yevropa Ittifoqida zarur vositalar allaqachon yaratilgan. Bu haqda “Kommersant” xabar bermoqda.
Biz Yevropa Ittifoqida barcha kerakli vositalarni tayyorladik. Bu orqali nafaqat Rossiyaning harbiy g‘aznasi qurib bitishi, balki ko‘plab zaif mamlakatlar maqbul narxlarga ega bo‘lishi ham muhim, — dedi Ursula fon der Leyen.
Noyabr oyida G7 mamlakatlari (AQSH, Buyuk Britaniya, Germaniya, Fransiya, Italiya, Kanada va Yaponiya) tashqi ishlar vazirlari Rossiyadan neft narxining yuqori chegarasini joriy etish tartibi tez orada yakunlanishini ma’lum qilgan edi.
Yakuniy narx chegarasi hali belgilanmagan. Biroq u bir barrel uchun 60 dollar atrofida belgilanishi kutilmoqda.
5-dekabr kuni Rossiyaning Yevropa Ittifoqiga neft yetkazib berishga qisman embargosi ham kuchga kirishi kerak. Rossiya rasmiylari, agar bunday qaror joriy etilsa, mamlakat neft yetkazib berishni to‘xtatishini bildirgan.
Avvalroq OPEK Rossiyada neft qazib olishning qisqarishini prognoz qilayotgani haqida xabar berilgandi.
Izoh (0)