O‘zbekistonda yanvar—sentabr oylarida aholi tomonidan banklardan 6,48 mlrd dollar miqdorida xorijiy valyuta sotib olingan. Bu haqda “Daryo”ga Markaziy bank hisobotidan ma’lum bo‘ldi.
Joriy yilning to‘qqiz oyida banklar tomonidan aholiga sotilgan chet el valyutasi miqdori o‘tgan yilning mos davriga nisbatan 1,8 mlrd dollarga ko‘p bo‘ldi.
Bu davrda eng ko‘p 10 000—50 000 dollarlik operatsiyalar amalga oshirilgan. Ularning miqdori 1,29 mlrd dollarni tashkil qilgan. Keyin o‘rinlarni mos ravishda 5 000—10 000 va 1 000—3 000 dollarlik operatsiyalar qayd etilgan.
Amalga oshirilgan umumiy operatsiyalar soni esa 10,6 milliontadan oshgan.
Valyutalar kesimida O‘zbekiston aholisi tomonidan eng ko‘p dollar sotib olingan — 6,38 mlrd dollar. Bu borada ikkinchi o‘rinni 3,45 mlrd rubl bilan Rossiya valyutasi egallagan.
Bundan tashqari banklar o‘zbekistonliklarga 199,6 mln tenge, 39,5 mln yevro, 4,7 mln iyena, 1,9 mln funt sterling va 1,4 mln turk lirasi sotgan.
Avvalroq Rossiyadan O‘zbekistonga pul oqimi ikki barobarga ko‘paygani ma’lum qilingan edi.
Izoh (0)