Туркия энергетика ва табиий ресурслар вазири Фотиҳ Дўнмез 2023 йил бошида Россия газини Европага етказиб бериш бўйича марказ яратиш учун илк қадамлар қўйилиши мумкинлигини айтди. Бу ҳақда «Коммерсантъ» хабар бермоқда.
Фотиҳ Дўнмезнинг айтишича, Туркия аллақачон бундай ёнилғи етказиб бериш бўйича биринчи сўровларни олган.
Кўплаб қўшни Европа давлатлари газ сотиб олиш учун бизга мурожаат қилмоқда. Умид қиламанки, келгуси йил бошидан газ марказини яратиш йўлида илк қадамларни қўямиз, — дейди вазир.
Октябрь ойида Туркия президенти Ражаб Тоййиб Эрдўғон мамлакати газ таъминоти марказига айланишини айтиб ўтган эди. Унинг сўзларига кўра, бу борада Россия президенти билан келишиб олинган.
25 октябрь куни Туркия томони аллақачон ўз зиммасига олган ишни бажаришга киришганини маълум қилди.
Мавзуга доир: Тарихдаги энг қийин вазифа: Россия Европа Иттифоқини ўз газини сотиб олишга мажбурлаш йўлини қидирмоқда
Изоҳ (0)