Yevropa Komissiyasi (YK) oziq-ovqat inqiroziga duch kelgan 15 davlatga, asosan Afrikaga 210 million yevro miqdorida yordam ajratdi. Bu haqda YK bayonotiga tayanib “TASS” xabar bermoqda.
Bali shahrida bo‘lib o‘tadigan G20 sammiti oldidan YK butun dunyo bo‘ylab o‘sib borayotgan oziq-ovqat xavfsizligining halokatli oqibatlaridan eng ko‘p jabrlanganlarga yordam ko‘rsatishni kuchaytirmoqda, — deyiladi bayonotda.
15 davlatga ularning ortib borayotgan ehtiyojlarini qondirish uchun 210 million yevrolik yangi gumanitar yordam paketi taqdim etiladi.
Yordam, xususan, Mali, Markaziy Afrika Respublikasi, Suriya, Livan, Afg‘oniston, Efiopiya, Nigeriya, Janubiy Sudan, Somali, Yaman va Venesuela tomonidan olinadi.
Shunday qilib, YK ta’kidlaganidek, 2020-yildan 2024-yilgacha bo‘lgan davrda global oziq-ovqat xavfsizligi uchun Yevropa Ittifoqining umumiy qo‘llab-quvvatlashi 8 milliard yevrogacha bo‘ladi.
Avvalroq Yevrokomissiya Germaniyaga “Gazprom” sho‘ba korxonasini sotib olish uchun 225,6 mln yevro ajratishi haqida xabar berilgandi.
Izoh (0)