Rossiyada 1993-yilda bekor qilingan Sovet davridagi maktab o‘quvchilarini harbiy tayyorlash dasturi qaytarildi. Bu haqda Buyuk Britaniya Mudofaa vazirligi ma’lumot berdi.
“Sakkiz yil o‘tgach, juda oz narsa o‘zgardi va rossiyalik harbiy xizmatchilar past ma’naviy va cheklangan tayyorgarlik bilan qolmoqda. Hozirda o‘quv dasturi ishlab chiqilmoqda va 2022-yil oxirigacha yakunlanadi. Keyin u tasdiqlash jarayonidan o‘tadi”, — deyiladi Britaniya razvedkasi hisobotida.
Rossiya Mudofaa vazirligi ushbu jarayonni qo‘llab-quvvatladi va har o‘quv yilida kamida 140 soat ushbu mashg‘ulotga bag‘ishlanishi kerakligini ta’kidladi.
“Mazkur mashg‘ulotlar o‘quvchilarni harbiy yoshga yetganda harbiy ko‘nikmaga ega bo‘lish, ularning safarbarlik va harbiy xizmatga shayligini oshirish uchun mo‘ljallangan bo‘lsa kerak”, — deydi tahlilchilar.
Britaniya Mudofaa vazirligi bu tashabbus Rossiya aholisi orasida vatanparvarlik va davlat institutlariga ishonch mafkurasini shakllantirishga qaratilgan kengroq loyihaning bir qismi ekanini qo‘shimcha qildi.
Bloomberg nashri avvalroq Rossiyada sovet davrlaridan buyon foydalanilmagan bombapanohlar yashirincha tekshirilib, yangilanayotganini xabar qilgandi. Bundan tashqari, Rossiya OAVlari Moskvadagi yerosti parkinglarida uxlash uchun joylar tayyorlanib, isitish uskunalari va aptechkalar o‘rnatilayotgani haqida yozgandi. Parkinglardan bombapanohlar sifatida foydalanish rejalashtirilmoqda.
Izoh (0)