“Barselona” yarim himoyachisi Gavi mavsumoldi o‘rtoqlik uchrashuvlarida ajoyib o‘yin ko‘rsatdi. Natijada, Kataloniya klubi uning asosiy raqobatchilaridan biri bo‘lgan Fermin Lopesni sotish haqida o‘ylab ko‘rishi mumkin. Bu haqda Fichajes nashri xabar berdi.
Manbaning yozishicha, “ko‘k-anorranglilar” yozgi transfer oynasida yangi futbolchilar — Joan Garsiya va Markus Rashfordni ro‘yxatdan o‘tkazish uchun byudjetdan joy bo‘shatishi lozim. Buni esa faqat futbolchi sotish yo‘li bilangina amalga oshiriladi. Ayni paytda, klubni tark etadigan asosiy nomzod sifatida Fermin Lopes ko‘rilmoqda.
“Barselona” dastlab Gavi bilan ham xayrlashish haqida o‘ylagan edi. Biroq yosh futbolchi mavsumoldi o‘yinlarida ajoyib o‘yin namoyish etdi: 3 ta o‘yinda 3 ta gol va 1 ta golli uzatma. Shu tariqa u “Barselona” uchun muhim futbolchi ekanini isbotladi. Uning bu muvaffaqiyati esa Fermin Lopesning jamoadagi kelajagiga jiddiy ta’sir ko‘rsatmoqda.
Fermin Lopesga esa Angliyaning “Manchester Yunayted” klubi qiziqish bildirmoqda. “Qizil iblislar” 21 yoshli yarim himoyachi uchun 70 million yevro to‘lashga tayyor. Kataloniya klubi moliyaviy barqarorlikni tiklash maqsadida bu taklifni jiddiy ko‘rib chiqmoqda.
Avvalroq, “Chelsi” klubi Fermin Lopesni Kristofer Nkunku bilan almashishni taklif qilgan edi. Biroq bu variant “Barselona” rahbariyati tomonidan rad etilgan.
- Fermin Lopes o‘tgan mavsumda “Barselona” safida 46 ta uchrashuvda maydonga tushib, o‘z hisobiga 8 ta gol va 10 ta golli uzatma yozdirib qo‘ygan.
- Uning klub bilan shartnomasi 2029-yil yozigacha amal qiladi.
- Transfermarkt portali futbolchining qiymatini 50 million yevroga baholamoqda.
Izoh (0)