Россияда 1993 йилда бекор қилинган Совет давридаги мактаб ўқувчиларини ҳарбий тайёрлаш дастури қайтарилди. Бу ҳақда Буюк Британия Мудофаа вазирлиги маълумот берди.
«Саккиз йил ўтгач, жуда оз нарса ўзгарди ва россиялик ҳарбий хизматчилар паст маънавий ва чекланган тайёргарлик билан қолмоқда. Ҳозирда ўқув дастури ишлаб чиқилмоқда ва 2022 йил охиригача якунланади. Кейин у тасдиқлаш жараёнидан ўтади», — дейилади Британия разведкаси ҳисоботида.
Россия Мудофаа вазирлиги ушбу жараённи қўллаб-қувватлади ва ҳар ўқув йилида камида 140 соат ушбу машғулотга бағишланиши кераклигини таъкидлади.
«Мазкур машғулотлар ўқувчиларни ҳарбий ёшга етганда ҳарбий кўникмага эга бўлиш, уларнинг сафарбарлик ва ҳарбий хизматга шайлигини ошириш учун мўлжалланган бўлса керак», — дейди таҳлилчилар.
Британия Мудофаа вазирлиги бу ташаббус Россия аҳолиси орасида ватанпарварлик ва давлат институтларига ишонч мафкурасини шакллантиришга қаратилган кенгроқ лойиҳанинг бир қисми эканини қўшимча қилди.
Bloomberg нашри аввалроқ Россияда совет даврларидан буён фойдаланилмаган бомбапаноҳлар яширинча текширилиб, янгиланаётганини хабар қилганди. Бундан ташқари, Россия ОАВлари Москвадаги ерости паркингларида ухлаш учун жойлар тайёрланиб, иситиш ускуналари ва аптечкалар ўрнатилаётгани ҳақида ёзганди. Паркинглардан бомбапаноҳлар сифатида фойдаланиш режалаштирилмоқда.
Изоҳ (0)