Rossiya prezidenti Vladimir Putin avvalroq harbiy xizmatga chaqirilgan Donetsk va Lugansk talabalarini demobilizatsiya qilishni buyurdi. Bu haqda Kreml matbuot kotibi Dmitriy Peskovga tayanib, RIA Novosti xabar berdi.
Donetsk va Lugansk Rossiya tarkibiga “kiritilishi”dan oldin u yerdagi talabalar harbiy safarbarlikka jalb qilingandi.
“Hozirda xalq militsiyasi qo‘shinlari Rossiya Qurolli kuchlari tarkibiga kiritilgan. Putin talabalarni demobilizatsiya qilish va o‘qish joyiga qaytishni tashkil etish bo‘yicha ko‘rsatma berdi”, — dedi Peskov.
Ta‘kidlanishicha, endi demobilizatsiya qilingan talabalar uylariga jo‘natiladi va o‘qishni davom ettiradi.
24-fevraldan beri Rossiya Ukrainada jangovar harakatlar o‘tkazmoqda. Sentabr oyi oxirida Rossiya Donetsk va Lugansk xalq respublikalari, Xerson va Zaporojye viloyatlarini anneksiya qildi. Noyabr boshida Rossiya qo‘shinlari Xersondan chekinishni boshladi. 11-noyabr kuni Ukraina harbiylari Xersonga kirdi.
Izoh (0)