Birlashgan Millatlar Tashkiloti (BMT) Bosh kotibi Antoniu Guterrish Pnompenedagi (Kambodja) matbuot anjumanida tashkilotning Ukraina bo‘yicha aniq pozitsiyasi haqida ma‘lumot berdi.
Guterrish Rossiyaning Ukrainaga bosqini tashkilot nizomi va mamlakat hududiy yaxlitligini buzish ekanini ta‘kidladi, muloqotning bosqichma-bosqich tiklanishi uchun sharoit yaratish muhimligi, chunki bu kelajakda tinchlik bo‘lishiga yordam berishini aytdi.
“Har qanday tinchlik ham BMT nizomi qadriyatlariga va xalqaro huquqqa asoslangan emas”, — deydi BMT Bosh kotibi.
Shuningdek, u anjumanda global iqtisodiyotning ikki yirik ishtirokchisi — AQSh va Xitoy boshchiligidagi ikki qismga bo‘linishidan qochish kerakligini qo‘shimcha qildi.
“Ikki xil qoidalar to‘plami, ikkita dominant valyuta, ikkita internet va sun‘iy intellekt bo‘yicha ikkita qarama-qarshi strategiya bilan bunday nizo dunyoning biz duch kelayotgan dramatik muammolarga javob berish qobiliyatini yo‘q qiladi”, — deydi u.
Ma’lumot uchun, 7-noybar kuni BMT Bosh kotibi Antoniu Guterrish Misrdagi COP27 iqlim konferensiyasidagi nutqi chog‘ida global haroratning ko‘tarilishi tufayli yuzaga kelayotgan yerning ayanchli taqdiri haqida gapirgandi. U sayyora “iqlim do‘zaxi” tomon ketayotganini qayd etgan.
Izoh (0)