Fransiya Buyuk Britaniyada o‘zib ketib, Yevropaning eng yirik fond bozoriga aylandi. Bu haqda Bloomberg xabar bermoqda.
2016-yilda Buyuk Britaniyaning Yevropa Ittifoqidan chiqish bo‘yicha referendumidan oldin ikki davlat poytaxtlari o‘rtasidagi bozor kapitallashuvi bo‘yicha farq taxminan 1,5 trln dollarni tashkil qilgan.
Britaniya kompaniyalarining ichki bozorga yo‘naltirilgan aksiyalari joriy yilda mamlakatning past iqtisodiy o‘sish sur’atidan xavotirlar tufayli tushib ketdi.
Shu bilan birga, LVMH va Kering (Gucci’ga egalik qiladi) kabi Fransiya hashamatli tovar ishlab chiqaruvchilari Xitoyda koronavirus cheklovlari yumshatilishini kutib, narxlarni oshirdi.
Buyuk Britaniya bozori kapitallashuvining pasayishiga sobiq bosh vazir Liz Tras ham sabab bo‘lgan: uning kabineti soliqlarni kamaytirish bo‘yicha budjet rejasini taqdim etganidan so‘ng, Britaniya fond bozori va obligatsiyalar bozori uch hafta ichida taxminan 500 milliard dollar yo‘qotdi.
Buyuk Britaniya yalpi ichki mahsuloti uchinchi chorakda oldingisiga nisbatan 0,2 foizga kamaydi.
Noyabr oyi boshida Angliya banki Buyuk Britaniya so‘nggi asrdagi eng uzoq tanazzulga yuz tutayotgani haqida ogohlantirgandi.
Izoh (0)