Париж Лондонни ортда қолдирган ҳолда Европанинг энг йирик фонд бозорига айланди

Франция Буюк Британияда ўзиб кетиб, Европанинг энг йирик фонд бозорига айланди. Бу ҳақда Bloomberg хабар бермоқда.  

2016 йилда Буюк Британиянинг Европа Иттифоқидан чиқиш бўйича референдумидан олдин икки давлат пойтахтлари ўртасидаги бозор капиталлашуви бўйича фарқ тахминан 1,5 трлн долларни ташкил қилган.

Британия компанияларининг ички бозорга йўналтирилган акциялари жорий йилда мамлакатнинг паст иқтисодий ўсиш суръатидан хавотирлар туфайли тушиб кетди. 

Шу билан бирга, LVMH ва Kering (Gucci’га эгалик қилади) каби Франция ҳашаматли товар ишлаб чиқарувчилари Хитойда коронавирус чекловлари юмшатилишини кутиб, нархларни оширди.

Буюк Британия бозори капиталлашувининг пасайишига собиқ бош вазир Лиз Трас ҳам сабаб бўлган: унинг кабинети солиқларни камайтириш бўйича бюджет режасини тақдим этганидан сўнг, Британия фонд бозори ва облигациялар бозори уч ҳафта ичида тахминан 500 миллиард доллар йўқотди.

Буюк Британия ялпи ички маҳсулоти учинчи чоракда олдингисига нисбатан 0,2 фоизга камайди. 

Ноябрь ойи бошида Англия банки Буюк Британия сўнгги асрдаги энг узоқ таназзулга юз тутаётгани ҳақида огоҳлантирганди.