AQSHning Nevada shtatida Demokratik partiya vakili Ketrin Kortes-Masto senatorlik saylovida g‘alaba qozondi. Bu demokratlarga AQSH Senatida 50 o‘rin va Kongress yuqori palatasi ustidan nazoratni beradi.
Ovozlarning 95 foizdan ortig‘i sanab bo‘lingach, Kortes-Masto xonim 48,7 foiz ovozga ega bo‘ldi va Nevada shtatining respublikachi sobiq bosh prokurori Adam Laksaltni 0,5 foizga ortda qoldirdi. Edison Research, NBC, CNN, ABC va boshqa ommaviy axborot vositalari va tahlil markazlari demokratning g‘alabasi tayin ekani haqida xabar qilmoqda.
Shundan kelib chiqilsa, dekabr oyida saylovning ikkinchi bosqichi bo‘lib o‘tadigan Jorjiyada respublikachilar g‘alaba qozongan taqdirda ham partiya Senat ustidan nazoratni qo‘lga kirita olmaydi. Ovozlar teng bo‘lgan taqdirda, hal qiluvchi ovoz demokratlar vakili bo‘lgan vitse-prezident Kamala Xarrisda qoladi.
Respublikachilar partiyasi AQSH Vakillar palatasi ustidan nazoratni qo‘lga kiritishi mumkin. AQSH matbuotiga ko‘ra, hozircha quyi palataga 211 nafar respublikachi va 206 nafar demokratlar kirdi. Nazoratni qo‘lga kiritish uchun 218 ta o‘rinni egallash kerak.
Izoh (0)