Tadqiqotlarga ko‘ra, aktyorlar oddiy odamlarga qaraganda ko‘proq stress va xavotirni boshdan kechirishadi, bu asosan ularning faoliyatiga bog‘liq. Shuning uchun ham ba’zi aktyorlar hamkasblarini har doim qo‘ldan kelganicha qo‘llab-quvvatlaydilar.
Jeyson Momoa
Emiliya Klark ilk bor “Taxtlar o‘yini” filmida rol o‘ynaganida atigi 23 yoshda edi. Ushbu loyihadan oldin aktrisada aktyorlik tajribasi yo‘q edi. Jeyson Momoa yosh aktrisalar ayrim sahnalarni suratga olishda o‘zlarini noqulay his qilishlarini bilardi, shuning uchun uni qo‘llab-quvvatlashga qaror qiladi. Klarkning aytishicha, aktyor bilan u o‘zini xavfsiz his qilgan, Jeyson unga doimo mehribon va e’tiborli bo‘lgan.
Viggo Mortensen
Mortensen otlarni juda yaxshi ko‘radi, shuning uchun ham “Uzuklar hukmdori” filmida o‘zi minadigan ayg‘irni sotib olgan. Otlarni suratga olish maydonchasidagi kaskadyor ayol ham yaxshi ko‘rardi. Mortensen bundan xabar topadi va unga ham ot sotib oladi.
Vin Dizel
“Forsaj” filmining original ssenariysida Mishel Rodrigesning qahramoni Vin Dizelga xiyonat qilish sahna bo‘lgan. Aktrisa xiyonatkor qiz rolini o‘ynashni xohlamagani uchun juda xafa bo‘ladi. Vin Dizel Mishel yig‘layotganini payqagach, bu sahnani olib tashlaydi. Aktyor uni doimo qo‘llab-quvvatlashiga ishontiradi.
Emiliya Klark
Aktrisa karyerasining boshida unga nisbatan mehribonlik ko‘rsatishgani esida shekilli “Taxtlar o‘yini” filmidagi hamkasbini u ham qo‘llab-quvvatlagan. Missandey rolini ijro etgan Natali Emmanuel bir hamkasbi u haqda noo‘rin fikr bildirganda, Klark darhol Natalining yonini olganini aytadi. Qizlar real hayotda ham xuddi filmdagi qahramonlari kabi bir-birlariga yordam beradi.
Zendaya
Zendaya va uning “Eyforiya” filmidagi hamkasbi Xanter Shafer bilan teleshouning suratga olish jarayonida yaqin bo‘lib ketgan. Suratga olishning birinchi kunidanoq Zendaya Shafer uchun katta opadek edi. Ular tez-tez gaplashib turishardi va Zendaya serialda yoritilgan qorong‘i mavzular qizning ruhiyatiga ortiqcha bosim o‘tkazmasligi uchun harakat qilardi.
Kianu Rivz
Vaynona Rayderning ma’lum qilishicha, Brem Stokerning “Drakula” filmini suratga olish chog‘ida rejissor hamkasblarga aktrisani yig‘lashi uchun haqorat qilishlarini aytgan. Kianu Rivz bunday qilishdan bosh tortadi. Unga aktrisa sahna kontekstida yig‘lashi kerakligini, rejissorning iltimosi shundan kelib chiqqanini tushuntirishadi, biroq Rivz bunday sabab bilan ham Rayderni haqorat qilmaydi.
Nikol Kidman
2014-yilda “Monako malikasi” filmini suratga olish chog‘ida Nikol Kidman jamoadagi 200 ga yaqin xodim sovuqda tungi vaqtda ishlashga majbur bo‘lganini bilib qoladi. Ertasi kuni u ishchilarni adyol va issiq ichimliklar bilan ta’minlashni buyuradi, ular uchun chodirlar o‘rnatiladi. Suratga olish maydonchasidagi mehribonligi uchun “haqiqiy malika” sifatida shuhrat qozonadi.
Keyt Uinslet
Keytning “Isttaunlik Meyr” filmidagi hamkasbi Engauri Rays qizidan bir yosh kichik, shuning uchun Keyt yosh aktrisaning ayrim qiyin sahnalari borligini eshitganida, uning onalik instinktlari paydo bo‘ladi. Sahna kechasi suratga olinadi, Uinsletning ish kuni ertalab tugagan bo‘lsa-da, u Raysning yonida bo‘lish uchun suratga olish maydonida qoladi.
Izoh (0)