Omadsizliklar hatto eng iste’dodli va go‘zal odamlarda ham bo‘ladi, chunki inson omili ba’zida katta rol o‘ynaydi, ammo bu taslim bo‘lish uchun sabab emas. Movix onlayn-platformasi mutaxassislari bir paytlar tashqi ko‘rinishi tufayli kastingdan o‘tolmagan, ammo taslim bo‘lmagan va oxir-oqibat o‘zlari xohlagan cho‘qqiga erishgan sevimli aktyorlar haqida ma’lumot beradi.
Meril Strip
Ishonish qiyin bo‘lsa-da, ammo bir paytlar Meril Stripni kinoga olishmagan, chunki prodyuserning so‘zlariga ko‘ra, u go‘zal emas edi. 1975-yilda bo‘lajak yulduz filmlarda endigina rol o‘ynay boshlaganida “King Kong” filmi kastingida ishtirok etadi — u Kong sevib qolgan aktrisa Dueyn rolini o‘ynaydi.
Keyinchalik Meril Stripning eslashicha, prodyuser Dino di Laurentis yosh aktrisani ko‘rib, o‘g‘liga italyan tilida: “Nega bu tasqarani olib kelding?”, deydi. Albatta, di Laurentis Meril italyanchani mukammal tushunishini bilmas edi. Ko‘z yosh to‘kish o‘rniga qiz xotirjamlik bilan prodyuserga italyan tilida: “King Kongda o‘ynash uchun go‘zal emasligimdan juda afsusdaman”, — deb javob beradi.
Keyinchalik Jessika Leng Dueyn roliga tasdiqlanadi. Film o‘z davrining xitiga aylandi, kassada 52 million dollar yig‘di va “Oskar”ga nomzod bo‘ldi. To‘rt yil o‘tgach, Meril Strip “Kiyik ovchisi” filmidagi Linda roli uchun birinchi “Oskar” mukofotini oldi (1979). Bir yil o‘tgach esa “Kramer Kramerga qarshi” dramasidagi roli uchun yana bir nominatsiyani qo‘lga kiritdi.
Genri Kevill
Xushbichim supermen va “Jodugar” filmi yulduzi Genri Kevill bir vaqtlar orzu qilgan roliga tasdiqlanmagan, chunki rejissorlar aktyorni yaxshi formada emas deb hisoblashgan. O‘shanda 23 yoshli Kevill “Kazino Royal” filmidagi Jeyms Bond roli uchun kastingda qatnashgandi.
Aktyorning eslashicha, undan Shon Konneri filmidagi dushdan sochiqqa o‘rangan holda chiqish sahnasini takrorlashni so‘rashgan. Shunda rejissor Martin Kempbell shunday deydi: “Genri, sen juda semiz ko‘rinarkansan”.
“O‘shanda men qanday mashq qilishni, qanday diyeta qilishni bilmasdim. Martin buni aytganidan xursandman, chunki men haqiqatni qadrlayman. Bu yanada yaxshi bo‘lishimga yordam beradi”, — deb eslaydi keyinroq Genri Kevill.
Kempbellning aytishicha, aslida bu rol Kevill 007 agenti uchun juda yosh va tajribasiz bo‘lganligi uchungina Deniel Kreyg foydasiga hal bo‘lgan.
Mel Gibson
Gollivudning yana bir sevimli aktyori ham Jeyms Bond roliga da’vogar bo‘lgan — Mel Gibson 007 bo‘lishga harakat qiladi, ammo tashqi ko‘rinishi tufayli uni qabul qilishmaydi. Bunga sabab aktyorning bo‘yi edi. Bir qator filmlar prodyuseri Albert Brokkoli o‘sha paytda allaqachon mashhur aktyorni “kichik bo‘yi” tufayli rad etgan. Mel Gibsonning bo‘yi 175 sm, Jeyms Bond esa balandroq bo‘lishi kerak edi. Misol uchun, Pirs Brosnan - 186 sm, Shon Konneri - 188 sm, Daniel Kreyg - 178 sm bo‘lgan.
Keyinchalik Mel Gibson Jeyms Bond roliga rad etilmagani, shunchaki o‘zi bu roldan voz kechganini ma’lum qilgan.
Rayan Gosling
Rayan Gosling “Sevimli suyaklar” filmida bosh rol — manyak tomonidan o‘ldirilgan qizning otasini o‘ynashi kerak edi. Gosling kastingdan o‘tadi va tasdiqlanadi, ammo suratga olish boshlanishidan bir kun oldin aktyor Mark Uolberg bilan almashtiriladi. Keyin bu holat to‘satdan bo‘lgan ijodiy qarashlar sifatida tushuntiriladi.
Keyinchalik ma’lum bo‘ladiki, Rayan Gosling qahramonini soqolli odam sifatida tasavvur qilgan. Aktyor rolga moslashayotgan bir paytda 30 kiloga semirib, soqol o‘stirishga qaror qiladi.
Rejissor Piter Jekson obrazni bunday tushunishidan hayratda qoladi va Goslingni filmdan chetlashtiradi.
Izoh (0)