Тадқиқотларга кўра, актёрлар оддий одамларга қараганда кўпроқ стресс ва хавотирни бошдан кечиришади, бу асосан уларнинг фаолиятига боғлиқ. Шунинг учун ҳам баъзи актёрлар ҳамкасбларини ҳар доим қўлдан келганича қўллаб-қувватлайдилар.
Жейсон Момоа
Эмилия Кларк илк бор «Тахтлар ўйини» фильмида рол ўйнаганида атиги 23 ёшда эди. Ушбу лойиҳадан олдин актрисада актёрлик тажрибаси йўқ эди. Жейсон Момоа ёш актрисалар айрим саҳналарни суратга олишда ўзларини ноқулай ҳис қилишларини биларди, шунинг учун уни қўллаб-қувватлашга қарор қилади. Кларкнинг айтишича, актёр билан у ўзини хавфсиз ҳис қилган, Жейсон унга доимо меҳрибон ва эътиборли бўлган.
Вигго Мортенсен
Мортенсен отларни жуда яхши кўради, шунинг учун ҳам «Узуклар ҳукмдори» фильмида ўзи минадиган айғирни сотиб олган. Отларни суратга олиш майдончасидаги каскадёр аёл ҳам яхши кўрарди. Мортенсен бундан хабар топади ва унга ҳам от сотиб олади.
Вин Дизель
«Форсаж» фильмининг оригинал сценарийсида Мишел Родригеснинг қаҳрамони Вин Дизельга хиёнат қилиш саҳна бўлган. Актриса хиёнаткор қиз ролини ўйнашни хоҳламагани учун жуда хафа бўлади. Вин Дизель Мишел йиғлаётганини пайқагач, бу саҳнани олиб ташлайди. Актёр уни доимо қўллаб-қувватлашига ишонтиради.
Эмилия Кларк
Актриса карьерасининг бошида унга нисбатан меҳрибонлик кўрсатишгани эсида шекилли «Тахтлар ўйини» фильмидаги ҳамкасбини у ҳам қўллаб-қувватлаган. Миссандей ролини ижро этган Натали Эммануэль бир ҳамкасби у ҳақда ноўрин фикр билдирганда, Кларк дарҳол Наталининг ёнини олганини айтади. Қизлар реал ҳаётда ҳам худди фильмдаги қаҳрамонлари каби бир-бирларига ёрдам беради.
Зендая
Зендая ва унинг «Эйфория» фильмидаги ҳамкасби Хантер Шафер билан телешоунинг суратга олиш жараёнида яқин бўлиб кетган. Суратга олишнинг биринчи куниданоқ Зендая Шафер учун катта опадек эди. Улар тез-тез гаплашиб туришарди ва Зендая сериалда ёритилган қоронғи мавзулар қизнинг руҳиятига ортиқча босим ўтказмаслиги учун ҳаракат қиларди.
Киану Ривз
Вайнона Райдернинг маълум қилишича, Брем Стокернинг «Дракула» фильмини суратга олиш чоғида режиссёр ҳамкасбларга актрисани йиғлаши учун ҳақорат қилишларини айтган. Киану Ривз бундай қилишдан бош тортади. Унга актриса саҳна контекстида йиғлаши кераклигини, режиссёрнинг илтимоси шундан келиб чиққанини тушунтиришади, бироқ Ривз бундай сабаб билан ҳам Райдерни ҳақорат қилмайди.
Никол Кидман
2014 йилда «Монако маликаси» фильмини суратга олиш чоғида Никол Кидман жамоадаги 200 га яқин ходим совуқда тунги вақтда ишлашга мажбур бўлганини билиб қолади. Эртаси куни у ишчиларни адёл ва иссиқ ичимликлар билан таъминлашни буюради, улар учун чодирлар ўрнатилади. Суратга олиш майдончасидаги меҳрибонлиги учун «ҳақиқий малика» сифатида шуҳрат қозонади.
Кейт Уинслет
Кейтнинг «Исттаунлик Мейр» фильмидаги ҳамкасби Энгаури Райс қизидан бир ёш кичик, шунинг учун Кейт ёш актрисанинг айрим қийин саҳналари борлигини эшитганида, унинг оналик инстинктлари пайдо бўлади. Саҳна кечаси суратга олинади, Уинслетнинг иш куни эрталаб тугаган бўлса-да, у Райснинг ёнида бўлиш учун суратга олиш майдонида қолади.
Изоҳ (0)