Demi Mur — Gollivudning 1990-yillardagi mashhur aktrisalaridan biri hisoblanadi. Aktrisa 11-noyabr kuni 60 yoshni qarshi oldi. U 60 yoshda bo‘lishiga qaramay chiroyli ko‘rinishga ega. Demi Mur hozirgi mashhurlik darajasiga erishguniga qadar ko‘plab qiyinchiliklarni boshdan kechirgan. Ko‘plab muxlislar uning shaxsiy hayoti, ijodi bilan bog‘liq yangiliklarni kuzatib boradi. “Lisa.ru” nashri dunyoga mashhur aktrisaning bolaligi, qiyinchiliklari, muvaffaqiyati va shaxsiy hayoti haqida ma’lumot berdi.
Gollivud yulduzi Demi Murning bolaligi va o‘smirlik yillari
Demi Mur Nyu-Meksiko shtatining Rozuell shahrida tug‘ilgan. Unga tug‘ilganda Demetriya Jan Harmon ismini qo‘yishgan. Bo‘lajak aktrisa otasi haqidagi haqiqatni 13 yoshida bilgan. Ma’lum bo‘lishicha, uning otasi Demi tug‘ilishidan oldin onasini tashlab ketgan va ko‘p o‘tmay qamoqqa olingan.
Aktrisaning onasi Virjiniya King reklama menejeri bo‘lgan, alkogol iste’mol qiluvchi, qimorboz inson bilan turmush quradi va undan Morgan ismli o‘g‘li dunyoga keladi. Ukasi tug‘ilgandan so‘ng, Demiga oiladagi hayoti chidab bo‘lmas bo‘lib qoldi va u tez-tez uydan qochib ketadi, mast ota-onalarining urushi va janjallariga guvoh bo‘ladi. Oradan ko‘p o‘tmay, Gollivud yulduzi Mur 15 yoshida zo‘ravonlikni boshdan kechirganini haqida gapirib berdi.
Qizni onasining tanishi tomonidan zo‘ravonlikka uchragan, chunki uning spirtli ichimlikdan 500 dollar qarzi bo‘lgan. Demining o‘gay otasi bu ishni aktrisaning onasi Virjiniyaning roziligi bilan qilganini aytgan. Biroq, Demetriya hali ham onasini oqlashga harakat qiladi.
“Yuragimning tub-tubida men bunday bo‘lgan deb o‘ylamayman. Biroq bari bir onam unga ruxsat berdi va menga zarar yetkazdi”, — deydi aktrisa.
Aktrisa 16 yoshida maktabni tashlab, uydan qochib, mashhur Elite Model Management model agentligiga ishga joylashdi. Mur u yerda “Xavfli aloqalar” filmining bo‘lajak yulduzi Nastasya Kinski bilan tanishib qoladi. U Murga drama maktabiga kirishni maslahat beradi.
Demi Mur yoshligida — 17 yoshida onasining vasiyligidan xalos bo‘lish uchun turmushga chiqdi. U o‘zidan 12 yosh katta bo‘lgan turmush o‘rtog‘i, rok xonandasi Freddi Mur bilan ko‘p o‘tmay ajrashdi va uning familiyasini o‘zida qoldirdi.
Biroq, 1980-1981 — yillarda aktrisa Freddi Murning uchta qo‘shig‘ini yozadi va The Nu Kats guruhi tomonidan ijro etilgan It's Not a Rumor qo‘shig‘ining klipida rol o‘ynaydi. Bugungi kunga qadar Demi o‘zining uzoq yillik musiqiy hissasi uchun kichik mablag‘ olishni davom ettirmoqda.
Filmografiya
Xorijiy ommaviy axborot vositalarining yozishicha, bo‘lajak Gollivud yulduzi aktyorlik faoliyatini boshlashdan oldin tug‘ma g‘ilayligini operatsiya qildirgan va rinoplastikani boshdan kechirgan. Demi Mur plastik jarrohlikdan so‘ng chiroyli ko‘rinishga ega bo‘lib rejissorlarning e’tiboriga tushdi.
Aktrisaning kino olamdagi debyuti 1981-yilda namoyish etilgan “Tanlov” dramasidagi kichik roli bo‘lgan. Oradan bir yil o‘tib Demi Charlz Bendning “Zararkunanda” fantastik dahshatli filmida suratga tushdi. Ushbu kartina 3D formatidagi yirtqich hayvonlar haqidagi birinchi film bo‘lgan.
Aktrisa 1980-yilning o‘rtalarida “Hammasiga Rio aybdor” erotik komediyasida suratga tushgandan keyin karyerasi yuqoriladi. Taxminan o‘sha yillarda Mur giyohvand moddalarga qaram bo‘lib qoldi, biroq rejissor Joel Shumaxer tufayli aktrisa ulardan voz kechdi. Rejissor aktrisaning giyohvand moddalar iste’mol qilishni to‘xtatish sharti bilan unga o‘zining “Avliyo Elmo olovi” filmida rol taklif qildi.
Demi yosh rejissorning bu og‘ir shartiga rozi bo‘ldi, chunki uning filmida rol o‘ynashi muhim ahamiyatga ega edi. Aktrisa reabilitatsiyaga bordi va giyohvand moddalarni iste’mol qilishni to‘xtatdi. “Avliyo Elmo olovi” filmi asosan salbiy baholangan bo‘lishiga qaramay, u kassabop kartinalar safiga kirdi va yosh aktrisaning yanada mashhur bo‘lishiga xizmat qildi.
Gollivud yulduzi filmografiyasida o‘ttiz yildan ko‘proq vaqt davomida eng muvaffaqiyatli film rejissor Jerri Sukerning “Arvoh” melodramasi bo‘ldi. Demi Mur ishtirokidagi 1990-yilda namoyish etilgan kartina eng yuqori daromad keltirgan filmga aylandi. Film besh marotaba “Oskar” mukofotiga, Mur esa ”Oltin globus”ga nomzod bo‘lgan.
Aktrisa 1993-yilda Adrian Linning “Nomaqbul taklif” erotik dramasida suratga tushdi. Mur turmush o‘rtog‘ining ruxsati bilan milliarder bilan yaqin munosabatlarga kirishadigan turmush qurgan ayol rolini ijro etdi. Ushbu erotik triller va keyinroq chiqqan “Hakamlar hay’ati” va “Qizil maktub” filmlari aktrisaning erotik rollarni yaxshiroq ijro etishini ko‘rsatib berdi.
Natijada, 1995-yilda Mur Gollivuddagi eng ko‘p maosh oluvchi aktrisaga aylandi va birinchi bo‘lib loyihalardagi ishtiroki uchun 12 million dollar talab qildi. Aktrisa bu miqdordagi mablag‘ni “Striptiz” filmida suratga tushish uchun so‘ragan.
Aktrisa bir nechta plastik operatsiyalarni boshdan kechirgan, u parhezga o‘tdi, yogaga qiziqdi, klublarga bordi va raqqosalar bilan suhbatlashdi. Aktrisa raqs texnikasini o‘rganish uchun o‘ziga shaxsiy murabbiylarni yollagan.
“Striptiz” filmining muvaffaqiyatsizligi Murning karyerasiga ta’sir qilmadi. Film direktorlar uni o‘z loyihalariga chaqirdi. “Askar Jeyn” jangovar filmida aktrisa maxsus kuchlar askari rolini o‘ynadi, buning uchun u sochini qirqishga qaror qildi. Keyin Vudi Allenning “Tahlilchi Garri” filmida psixiatr rolini o‘ynab, qizlarining tarbiyasi bilan shug‘ullandi va ijodiy faoliyatida tanaffus e’lon qildi.
Aktrisa 2003-yilda “Charli farishtalari: To‘liq oldinga” filmida “yomon farishta” rolini o‘ynab, ekranlarga qaytdi. Filmning suratga olish ishlaridan oldin, uch nafar farzandni dunyoga keltirgan Demi o‘z qomatini to‘g‘rilash uchun operatsiyani boshdan kechirdi.
Aktrisa ishtirokidagi 2015-yilda namoyish etilgan “Juda yaxshi qizlar” dramasidan keyin tomoshabinlar uni “Tashlab ketilgan” filmida ko‘rishdi. Demi 2018-yilda hind kriminal dramasi “Sevgi bilan, Sonya”da rol ijro etdi. Filmning maqsadi odam savdosi muammosiga e’tibor qaratish edi.
Shaxsiy hayot
Aktrisa 1985-yilda birinchi turmush o‘rtog‘i Freddi Mur bilan ajrashgach, aktyor Emilio Esteves bilan unashtirildi. Juftlik to‘yini 1986-yilning dekabr oyiga rejalashtirishgan edi, biroq aktrisa kutilmaganda nikohni bekor qilgan.
Demi Mur 1987-yilning noyabr oyida 13 yil birga yashagan aktyor Bryus Uillis bilan turmush quradi. Bu vaqt ichida Demi Mur va Bryus Uillisning uch nafar qizi: Rumer, Skaut va Tallula dunyoga keladi. Demi barcha bolalarni o‘z uyida dunyoga keltirgan va har safar turmush o‘rtog‘i uni qo‘llab-quvvatlagan. Ko‘pchilik ularning oilasini mustahkam deb hisoblashgan, biroq 1998-yilning yozida ular ajrashishini e’lon qildi.
Juftlik rasman 2000-yilda ajrashdi. Demi turmush o‘rtog‘i bilan ajrashganiga qaramay do‘stlik munosabatlarini saqlab qolgan. “Men doim undan minnatdorman. U meni o‘zimdan ko‘ra yaxshiroq tushundi”, — deydi aktrisa Bryus haqida.
Bryus Uillis Emma Hemingga uylanganidan keyin ularning munosabatlari o‘zgarmadi. Mur, uning qizlari Bryus va Emmaning oldiga tez-tez borishadi. Ular 2019 yilda Bryus va Emma turmush qurganining 10 yilligi sharafiga uyushtirgan qayta to‘yning ishtirokchisi bo‘ldi.
Demi 1999-yildan 2002-yilgacha jang san’ati bo‘yicha o‘qituvchi Oliver Uitkomb bilan uchrashdi va 2003-yilda u o‘zidan 15 yosh kichik aktyor Eshton Kutcher bilan ishqiy munosabatda ekanini ma’lum qildi. Aktrisa 2005-yilning sentabr oyida Eshton bilan turmush qurdi, to‘yda aktrisaning sobiq turmush o‘rtog‘i Bryus Uillis ham ishtirok etdi. Aktrisa hatto familiyasini Kutcherga o‘zgartirdi. Biroq ularning turmushi tinch va baxtli emas edi.
Demi homiladorlikning oltinchi oyida farzandidan ayrildi. Bu voqea aktrisa uchun oson bo‘lmadi: u yana spirtli ichimliklar va og‘riq qoldiruvchi vositalarni qabul qildi, bu esa juftlik o‘rtasidagi munosabatlarni yomonlashtirdi.
“Qanday adashganimni, bo‘shab va umidsiz bo‘lganimni so‘z bilan to‘liq tushuntira olmayman. Men atrofdagi hech narsani sezmadim”, — deydi aktrisa. 2011- yilda Eshton Kutcherning 22 yoshli Sara Lil bilan tasodifiy munosabatlari tufayli aktrisaning bu turmushi ham buzildi.
Demi Mur 2011- yilning kuzida turmush o‘rtog‘i bilan ajrashganini e’lon qildi. Aktrisa ajrashganidan keyin tushkunlikka tushib qolgan va hatto kasalxonaga yotqizilgan. Sud jarayonlari 2013 - yilning oxirida tugadi va Mur va Kutcher o‘rtasidagi munosabatlarga nuqta qo‘yildi.
Demi Mur hozirda qizlari bilan vaqt o‘tkazmoqda va aktyorlik faoliyatini yakunlagan sobiq turmush o‘rtog‘i Bryusni qo‘llab-quvvatlamoqda. Pandemiya paytida ular dam olishdan zavq olish uchun yana yig‘ilishdi.
Demi Mur 2021-yilda Fendi shousidagi chiqishida yonoqlarining o‘zgargani va labining tortilib qolgani bilan tomoshabinlarni hayratlantirdi. Ehtimol, buning sababi, yog‘ to‘qimalarining yetishmasligi tufayli uning yoshida tavsiya etilmaydigan Bish bo‘laklarini olib tashlash edi. Demi Mur hozir suratda chiroyli ko‘rinadi, muxlislar esa o‘ziga xosligini saqlab qolish uchun unga plastik jarrohlik bilan qildirmaslikni maslahat beradi.
Aktrisa 2022 - yilda Demi Mur filmlarda rol o‘ynashda, qizil gilamlarda va podiumlarga chiqishda davom etmoqda. U 60 yoshida o‘zini yoshligiga qaraganda ancha baxtli va o‘ziga bo‘lgan ishonchini yaxshiroq his qiladi.
Mavzuga doir:
Izoh (0)