Filmlardagi qahramon kostyumi har doim ham qulay bo‘lavermaydi. Ba’zida yulduzlar superqahramonlarning og‘ir liboslarini kiyishlari kerak, ba’zan esa liboslar bo‘yicha dizaynerlar kiyimlarni juda tor qilib qo‘yishadi. Aktyor va aktrisalarning o‘zlari ham ko‘pincha kiyishlari kerak bo‘lgan kostyumlarni yoqtirmaydi.
Anjelina Joli — Lara Kroft kiyimi
Anjelina qahramoning kiyimini yoqtirmaydi. Kostyum juda qattiq va tor edi. Qizni xuddi shu nomdagi kompyuter o‘yinidagi qahramonga o‘xshatish uchun kiyimning ba’zi joylariga maxsus yumshoq protezlar qo‘yiladi.
Kit Xarington — Jon Snou kiyimi
Aktyor bu libosda yurish nihoyatda qiyin bo‘lganini tan oladi - uning og‘irligi bir tonnaga yaqin edi. Har mavsumda rejissorlar uning kiyimini yanada og‘irlashtirayotgandek tuyulardi. Kit, shuningdek, kostyum chidab bo‘lmas darajada sassiq ekanligini ta'kidlaydi.
Emiliya Klark — Deyeneris kiyimlari
“Taxtlar o‘yini”ning yana bir yulduzi hamkasblari undan omadliroq bo‘lgan, chunki erkaklar liboslari ayollarnikidan yaxshiroq bo‘lgan, deb hisoblaydi. Ba’zi sahnalar jaziramada suratga olingan va yigitlar uchun kiyimlari ostida maxsus sovitish tizimini o‘ylab topishgan. Qizlar uchun bu ta’minlanmagan. Misol uchun, Emiliyaga judayam isib ketsa, faqatgina parikni ko‘tarishga ruxsat berilgan
Benedikt Kamberbatch — Sherlok Xolms liboslari
Ajoyib detektiv rolining ijrochisi Sherlokning kiyimlarini yoqtirmagan. Uning ta'kidlashicha, kiyimlar juda yaxshi tikilgan, ammo bel juda tor qilingan. Shu sababli u suratga olish paytida o‘zini noqulay his qiladi, nafas olish va ovqat hazm qilishda muammolarga duch keladi.
Kris Xemsvort — Tor kostyumi
Skandinaviya xudosining tasviri hayratlanarli ko‘rinsa-da, lekin noqulay edi. Aktyor har kuni yotoqdan turishni va Torning kiyimlarini kiyishni xohlamaganini tan oladi.
O‘sh paytda Kris shunchalik ko‘p mushak massasini to‘playdiki, u o‘z kiyimiga zo‘rg‘a sig‘ardi. Uning qo‘llari tor kiyim tufayli qon aylanishi buzilishidan uvishib qoladi. Yaxshiyamki, kiyim o‘zgartiriladi va Kris suratga olishni odatdagidek davom ettirishga muvaffaq bo‘ladi.
Tom Holland — O‘rgimchak odam kostyumi
Tom Holland intervyularining birida kostyum o‘ta qo‘pol matodan tikilganini, shu bois terini himoya qilish uchun uning ostiga maxsus stringlar va to‘rli bodi kiyishi kerak bo‘lganini aytadi. Shuningdek, kiyimga juda noqulay yashirin zamoklar tikilgan.
Rayan Reynolds — Yashil fonar kostyumi
Superqahramon kostyumi to‘laligicha kompyuterda yaratilgan. Aktyor maxsus kiyimda suratga olingan, montaj paytida u yaltiroq yashil kiyim bilan qoplangan. Hatto suratga olish paytida ham Rayan kombinezon shunchalik noqulay ekanligini tan oladi — u oddiy superqahramon kostyumini afzal ko‘rardi.
Film kassada muvaffaqiyatsizlikka uchraydi. Ko‘pchilikning aytishicha, superqahramonning qiyofasi juda yomon ishlangan. Rayanning o‘zi film treyleri chiqqunga qadar ekranda qanday ko‘rinishini ham bilmaganini ta’kidlaydi.
Izoh (0)