Futbol bo‘yicha Italiya chempionatining 15-turida “Inter” 13-noyabr, yakshanba kuni “Atalanta” maydonida mehmon bo‘ldi.
Uchrashuvning 25-daqiqasida Ademola Lukman penaltini aniq amalga oshirib, bergamoliklarni hisobda oldinga olib chiqdi. Bunga milanliklar 36-daqiqada Edin Jekoning goli bilan javob qaytardi.
Ikkinchi bo‘lim debyutida Jeko dublni rasmiylashtirdi. Oradan ko‘p o‘tmay “Inter” o‘rtadagi farqni ikkitaga yetkazdi: Xose Luis Palomino o‘z darvozasini ishg‘ol qilib qo‘ydi.
77-daqiqada Palomino hisobni qisqartirishga muvaffaq bo‘ldi. Qolgan vaqtda hisob o‘zgarmasdan qoldi.
Ushbu g‘alaba evaziga “Inter” ochkolarini 30 taga yetkazib olgan holda to‘rtinchi pog‘onaga ko‘tarildi. Ketma-ket uchinchi mag‘lubiyatni qabul qilib olgan “Atalanta” (27) 6-pog‘onaga tushib ketdi.
A Seriya
15-tur bahsi
13-noyabr, yakshanba
“Atalanta” — “Inter” 2:3
Gollar: 1:0 – 25, penalti Lukman, 1:1 – 36 Jeko, 1:2 – 56 Jeko, 1:3 – 61, avtogol Palomino, 2:3 – 77 Palomino.“Atalanta”: Musso, Xatebur, Palomino, Demiral (Okoli, 68), Mele, Skalvini (Malinovskiy, 46), Pashalich (Boga, 83), Kopmeyners, Lukman, Ederson, Sapata (Heylund, 69).
“Inter”: Onana, Dumfris (Bellanova, 72), de Vrey, Shkrinyar, Bastoni (Acherbi, 72), Dimarko (Gozens, 80), Mxitaryan (Brozovich, 80), Chalxono‘g‘lu, Barella, Jeko, Martines (Korrea, 84).
Ogohlantirishlar: de Vrey (74), Shkrinyar (85), Onana (87).
Izoh (0)