Футбол бўйича Италия чемпионатининг 15-турида «Интер» 13 ноябрь, якшанба куни «Аталанта» майдонида меҳмон бўлди.
Учрашувнинг 25-дақиқасида Адемола Лукман пенальтини аниқ амалга ошириб, бергамоликларни ҳисобда олдинга олиб чиқди. Бунга миланликлар 36-дақиқада Эдин Жеконинг голи билан жавоб қайтарди.
Иккинчи бўлим дебютида Жеко дублни расмийлаштирди. Орадан кўп ўтмай «Интер» ўртадаги фарқни иккитага етказди: Хосе Луис Паломино ўз дарвозасини ишғол қилиб қўйди.
77-дақиқада Паломино ҳисобни қисқартиришга муваффақ бўлди. Қолган вақтда ҳисоб ўзгармасдан қолди.
Ушбу ғалаба эвазига «Интер» очколарини 30 тага етказиб олган ҳолда тўртинчи поғонага кўтарилди. Кетма-кет учинчи мағлубиятни қабул қилиб олган «Аталанта» (27) 6-поғонага тушиб кетди.
А Серия
15-тур баҳси
13 ноябрь, якшанба
«Аталанта» — «Интер» 2:3
Голлар: 1:0 – 25, пенальти Лукман, 1:1 – 36 Жеко, 1:2 – 56 Жеко, 1:3 – 61, автогол Паломино, 2:3 – 77 Паломино.«Аталанта»: Муссо, Хатебур, Паломино, Демирал (Околи, 68), Меле, Скалвини (Малиновский, 46), Пашалич (Бога, 83), Копмейнерс, Лукман, Эдерсон, Сапата (Ҳейлунд, 69).
«Интер»: Онана, Думфрис (Белланова, 72), де Врей, Шкриньяр, Бастони (Ачерби, 72), Димарко (Гозенс, 80), Мхитарян (Брозович, 80), Чалхонўғлу, Барелла, Жеко, Мартинес (Корреа, 84).
Огоҳлантиришлар: де Врей (74), Шкриньяр (85), Онана (87).
Изоҳ (0)