26 yoshli Jessika Geygen nufuzli go‘zallik tanlovining finalida 30 ta raqibini mag‘lub etib, chempionlikni qo‘lga kiritdi. Ammo uning tojga boradigan yo‘li uzoq va mashaqqatli edi.
Endi Jessika go‘zallik tanlovlarida faol ishtirok etadigan sohibjamol ayol. Aytgancha, u bir yil oldin ham “Miss Angliya” unvonini olishga urinib ko‘rgan, ammo ikkinchi urinishdagina muvaffaqiyat qozongan.
Ko‘p yillar davomida qiz tashqi ko‘rinishidan uyalib yurgan. Buning sabablaridan biri sochining rangi edi. “O‘rta maktabda mallasoch bo‘lganim uchun masxara qilishardi”, — deydi “Miss Angliya”.
“Meni maktabda har kuni masxara qilishardi. Yolg‘iz o‘zim hojatxonada tushlik qilardim: hech kim men bilan o‘tirishni xohlamasdi”, — deb eslaydi Jessika.
Qiz allaqachon bir nechta go‘zallik tanlovlarida qatnashgan. “Miss Angliya” unvoni esa u uchun ayniqsa muhimdir, chunki tanlovning 94 yillik tarixida hech qachon mallasoch ishtirokchi g‘olib bo‘lmagan.
Jessika modellik agentligi bilan shartnoma imzolaydi va Miss Angliya sifatida xayriya ishlari bilan shug‘ullanadi. Ammo uning asosiy faoliyati boshqa.
Jessika aerokosmik muhandislik bo‘yicha universitetda o‘qigan. Hozirda esa magistraturada tahsil olmoqda.
Jessikaning so‘zlariga ko‘ra, uning tanlovdagi g‘alabasi bolaligida o‘zi boshdan kechirgan kamsitishlarga o‘xshash holatga duch kelgan bolalarga o‘ziga ishonish kerakligini ko‘rsatadi.
Izoh (0)