Samarqand viloyatida “Fozilmon” hamda “Cho‘nqaymish” davlat muhofaza etiladigan buyurtma qo‘riqxonalarini tashkil etish chora-tadbirlari to‘g‘risida”gi hukumat qarori loyihasi e’lon qilindi.
Hujjatga ko‘ra, Samarqand viloyati Qo‘shrabot tumanida 24 ming gektar bo‘lgan “Fozilmon” hamda Samarqand viloyati Nurobod tumanida 4,6 ming gektar bo‘lgan “Cho‘nqaymish” davlat buyurtma qo‘riqxonalarini tashkil etiladi.
Buyurtma qo‘riqxonalar O‘rmon xo‘jaligi qo‘mitasi tuzilmasiga kiradi.
Ushbu qo‘riqxonalar faoliyati Vazirlar Mahkamasi qarori bilan tasdiqlangan O‘rmon xo‘jaligi qo‘mitasi to‘g‘risidagi nizomga muvofiq moliyalashtiriladi.
Davlat buyurtma qo‘riqxonalari joriy xarajatlarini moliyalashtirish hamda budjetdan moliyalashtiriladigan shtat birliklarini saqlash O‘rmon xo‘jaligi qo‘mitasi tizimidagi yer maydonlari qisqartirilayotgan davlat o‘rmon xo‘jaliklari tegishli mablag‘larini hamda shtat birliklarini maqbullashtirish hisobidan hamda belgilangan me’yorlarga asosan amalga oshiriladi.
Davlat buyurtma qo‘riqxonalari hududidagi tabiiy majmualar va landshaftlar, noyob va yo‘qolib ketish xavfi ostida bo‘lgan o‘simlik va hayvonot turlari muhofazaga olinadigan asosiy obyektlar hisoblanadi.
Izoh (0)