Tabiiy gaz iste’moli ortishi munosabati bilan 9-noyabrdan e’tiboran barcha AGTKSHlar faoliyati Energetika vazirligi hamda viloyatlar hokimliklari bilan tasdiqlangan jadvalga asosan maxsus ish tartibiga o‘tkaziladi. Bu haqda “O‘ztransgaz” matbuot xizmati xabar berdi.
Hurmatli iste’molchilar, amaliyotga joriy etilayotgan choralar vaqtinchalik bo‘lib, munosib shart-sharoit paydo bo‘lishi bilan barcha AGTKSH odatdagi ish tartibiga qaytadi.Vaqtinchalik noqulayliklar uchun uzr so‘raymiz!
Farg‘ona viloyati transport boshqarmasi xabariga ko‘ra, viloyatda aholi va ijtimoiy soha obektlarini uzluksiz tabiiy gaz bilan ta’minlash maqsadida mahalliy hokimliklar qaroriga asosan 2022-yil 9-noyabr kunidan boshlab AGTKSH lar (avtomobillarga gaz quyish shoxobchalari) faoliyati tonggi soat 6:00 dan tungi 18:00 ga qadar etib belgilandi.
Shuni inobatga olgan holda avtotransport vositalaringiz uchun zarur bo‘lgan gaz yoqilg‘isini belgilangan vaqt oralig‘ida to‘ldirib olishingiz so‘raladi. Farg‘ona viloyatida jamoat transporti narx-navolarida o‘zgarish bo‘lmasligi doimiy nazoratga olinadi, — deyiladi xabarda.
Izoh (3)
Zapravkalar belgilangan vaqtda ishlamayaptik, lemitga qarab ishlamayaptiku
Bizani izohimiz nimaniyam hal qilardi. Biza Oddiy fuqoro bulsak.
Нархлар озгармаслиги назоратда 2200 сом 2300 сом еди бугундан 2800 нархлар