Самарқанд вилоятида «Фозилмон» ҳамда «Чўнқаймиш» давлат муҳофаза этиладиган буюртма қўриқхоналарини ташкил этиш чора-тадбирлари тўғрисида»ги ҳукумат қарори лойиҳаси эълон қилинди.
Ҳужжатга кўра, Самарқанд вилояти Қўшработ туманида 24 минг гектар бўлган «Фозилмон» ҳамда Самарқанд вилояти Нуробод туманида 4,6 минг гектар бўлган «Чўнқаймиш» давлат буюртма қўриқхоналарини ташкил этилади.
Буюртма қўриқхоналар Ўрмон хўжалиги қўмитаси тузилмасига киради.
Ушбу қўриқхоналар фаолияти Вазирлар Маҳкамаси қарори билан тасдиқланган Ўрмон хўжалиги қўмитаси тўғрисидаги низомга мувофиқ молиялаштирилади.
Давлат буюртма қўриқхоналари жорий харажатларини молиялаштириш ҳамда бюджетдан молиялаштириладиган штат бирликларини сақлаш Ўрмон хўжалиги қўмитаси тизимидаги ер майдонлари қисқартирилаётган давлат ўрмон хўжаликлари тегишли маблағларини ҳамда штат бирликларини мақбуллаштириш ҳисобидан ҳамда белгиланган меъёрларга асосан амалга оширилади.
Давлат буюртма қўриқхоналари ҳудудидаги табиий мажмуалар ва ландшафтлар, ноёб ва йўқолиб кетиш хавфи остида бўлган ўсимлик ва ҳайвонот турлари муҳофазага олинадиган асосий объектлар ҳисобланади.
Изоҳ (0)