Iordaniyaning Amman shahrida boks bo‘yicha Osiyo chempionatining yarim final bahslari 10-noyabr, payshanba kuni bo‘lib o‘tmoqda.
-51 kg vazn toifasida O‘zbekiston sharafini himoya qilayotgan Hasanboy Do‘stmatov yarim finalda Mo‘g‘uliston vakili Harkhu Enhmandahga qarshi ringga ko‘tarildi.
Birinchi raundda mo‘g‘ulistonlik bokschi faolroq bo‘ldi va raund uning hisobiga yozildi. Keyingi ikki raundda Hasanboy to‘liq ustunlik qildi va so‘nggi uch daqiqalikda raqibini nokdaun holatiga tushirishga erishdi. Yakunda hakamlar bir ovozdan Do‘stmatovning g‘alabasini qayd etdi.
Finalda Do‘stmatovga qozog‘istonlik Saken Bibossinov raqib bo‘ladi.
Avvalroq super og‘ir vazn toifasida vakili Lazizbek Mullajonov final yo‘llanmasiga ega chiqqandi. Undan oldin Saidjamshid Ja’farov finalga yo‘l olgan, Shahzod Muzaffarov, Athamjon Muhiddinov va Asadxo‘ja Mo‘ydinxo‘jayev yarim finalda yengilib, bronza medaliga ega chiqqani xabar qilingandi.
10-noyabr kuni yana quyidagi bokschilar o‘z jangini o‘tkazadi:
Izoh (0)